Ndarja nga jeta e Kryekomisarit, vajza: Më këpute ba!

Publikuar më 19. 06. 2017 nga Denis Tahiri

Një nga drejtuesit më të njohur të Policisë së Tiranës është ndarë nga jeta në mënyrë të papritur, ku mësohet se ka pësuar një infrakt në zemër.

Ndërkohë vajza e Kryekomisarit Nikoll Vatnikaj, Desantila, një prej blogereve të njohura në Shqipëri, i ka kushtuar një status  babait të saj.

“Kështu do të jemi përjetë, unë këtu, ti prej atje lart. Jam goca e Nikollës, me krenari, përjetë! Më këpute ba!”- shkruan Desantila, e cila e ka shoqëruar statusin me një foto me babain e saj të ndjerë.

Ndërkohë sot në orën 10-12, në Pallatin e Kongreseve do të kryhen homazhet e përcjelljes së Kryekomisarit.

/D.T/