×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Mungojnë fondet, ngecin punimet në Kardhiq-Delvinë

Mungesa e fondeve ka bërë që tenderi për projektimin e 2 loteve të aksit rrugor të anulohet. Në prill 2018, ish-ministri Damian Gjiknuri deklaronte se punimet për rrugën nuk do ndalen. Reagon ARRSH

Neritan Gjergo

Mungesa e fondeve, ose të paktën mosvënia në dispozicion në kohë e tyre ka bërë që tenderi për projektimin e 2 loteve të aksit rrugor Kardhiq-Delvinë të anulohet.  Sipas shpalljes së publikuar pranë Agjencisë së Prokurimit Publik,  njoftimi i fituesit për këtë tender  është publikuar më datë 14 janar të këtij viti, por fondet buxhetore nuk janë vënë në dispozicion të institucionit brenda afatit 60-ditor të lejuar për nënshkrimin e kontratës. Oferta e shpallur fituese kishte një vlerë prej 19.83 milionë lekë, ndërsa kishte si objekt projektimin e lotit 2 të këtij aksi si dhe rishikimin e projektit për lotin 7 që përfshin tunelin. Sipas dokumenteve të tenderit gjatë kohës së shpalljes, për ta bërë këtë aks rrugor sa më të aksesueshëm dhe eficent është i domosdoshëm projektimi i dy segmenteve të reja rrugore, përkatësisht ai Shijan-Ura e Gajdarit me gjatësi rreth 5.7 km dhe Shijan-hyrje qyteti Delvinë, me gjatësi  6.8 km, që përfshijnë pikërisht lotin 2. Ndërkohë që, sa i takon tunelit, ARRSH argumenton se ai  ka një gjatësi prej 1 km dhe projekti është hartuar në vitin 2008. Por përgjatë gjithë kësaj periudhe 10-vjeçare, mund të kenë ndodhur ndryshime si në kushtet e zbatimit te punimeve ashtu dhe për hapjen e tunelit dhe për këtë arsye ka lindur si nevoje rishikimi i projektit. Ndërkaq, me anulimin e këtij tenderi autoritetet do të duhet të shpjegojnë procedurat që do të ndiqen në këtë rast, duke qenë se projekti për ndërtimin e këtij aksi të rëndësishëm po avancon.

Premtim i pambajtur

Në muajin prill 2018, ish-ministri i Infrastrukturës deklaronte nga Saranda në turin e llogaridhënies, se punimet do të rifillonin në verë ose në vjeshtë, por deklaratat e tij shkuan në erë, dhe sot ende e papërfunduar rruga mbush 11 vite që kur në të u hapën themelet e para. Rruga Kardhiq-Delvinë ka një gjatësi prej 34 kilometrash dhe kosto e saj llogaritet të shkojë 64 milionë euro. Ajo është cilësuar një nga akset me prioritare që shkurton me 3 orë kohë nga Tirana në Sarandë, duke i dhënë një hov të mëtejshëm turizmit. Ndërtimi i këtij aksi ishte përzgjedhur në 5 veprat kombëtare që qeveria parashikonte të ndërtoheshin përmes skemës së Partneritetit Publik Privat. Por duket se qeveria është tërhequr nga kjo skemë të paktën për këtë rrugë. Kjo lëvizje duket si reflektim pas kritikave të forta që Fondi Monetar Ndërkombëtar i adresoi qeverisë për rreziqet që i sjellin buxhetit projektet e rrugëve me skemën PPP. Historia e ndërtimit të segmentit Kardhiq – Delvinë nis që në vitin 2008 në kohën e qeverisë Berisha, i cili i inauguroi me bujë fillimin e punimeve. Deri tani janë përfunduar 7.6 km nga Ura e Kardhiqit në drejtim të Fushë Bardhës (Delvinë) dhe 9.7 km nga Delvina në drejtim të Vergos (Ura e Kardhiqit). Por duket se mungesa e financimeve i ka lënë punimet në mes. Kujtojmë se tre tenderët shumëmilionësh për ndërtimin e segmentit rrugor Kardhiq-Delvinë përfunduan me konkurrencë të ulët dhe me oferta fituese fare pranë fondit limit.  Tenderi për lotin 4 u fitua nga oferta e përbashkët e dy kompanive, Cobial dhe Gjoka Konstruksion, me ofertë prej 2.36 miliardë lekë, ose sa 99% e fondit limit. Një ofertë konkurrente nga kompania Alb Building sh.p.k ishte edhe më e lartë se sa oferta fituese, ose e barabartë me 99.6% të fondit limit, por gjithsesi, kjo ofertë u skualifikua. Komisioni vlerësimit argumentoi se “kompania nuk ka realizuar punë të ngjashme në tre vitet e fundit”, një nga kriteret përjashtuese për të marrë pjesë në tender. Në tenderin për lotin 5, pati gjithashtu dy oferta, një prej të cilave u skualifikua, megjithëse ishte më e lartë se sa oferta fituese. Tenderi u fitua nga kompania Alb – Star për 1.79 miliardë lekë ose 2.2% më pak se sa fondi limit. Oferta tjetër nga GPG Company ishte e barabartë me 98.8% të fondit limit, por ajo u skualifikua pasi Autoriteti Rrugor Shqiptar vlerësoi se GPG Company ka sakaq në zbatim kontratën e by-pass të qytetit të Tepelenës me vlerë 2.8 miliardë lekë dhe sipas rregullave të qeverisë shqiptare, ajo nuk mund të fitojë tender të ri pa përfunduar 70% të punimeve të kontratës në vijim.

Reagimi 

Pas anulimit të tenderit për projektimin e 2 loteve të aksit Kardhiq-Delvinë, ka ardhur edhe reagimi i Autoritetit Rrugor Shqiptar. Sipas këtij të fundit, anulimi i tenderit, shpallja e të cilit është publikuar pranë Agjencisë së Prokurimeve Publike, nuk e pengon atë të nisë brenda afateve të planifikuara garën për ndërtimin e kësaj vepre. “Autoriteti Rrugor Shqiptar, në përgjigje të një artikulli të publikuar në media, njofton opinionin publik, se mbetet në prioritet të veprimtarisë së këtij Autoriteti realizimi i ndërtimit të Tunelit të Kardhiqit (loti 7), si pjesë e investimit madhor, tashmë të nisur nga ana e Qeverisë Shqiptare, përmes financimit nga buxheti i shtetit për vitin 2019. Anulimi i asaj procedure të Studim Projektimit për rishikimin e projektit të Tunelit të Kardhiqit (loti 7) nuk e pengon Autoritetin Rrugor Shqiptar, që bazuar në legjislacionin në fuqi, të nisë brenda afateve të planifikuara garën për ndërtimin e kësaj vepre madhore”.

Frenohet turizmi

Të ardhurat nga turizmi në ekonominë shqiptare pësuan rënie në tremujorin e fundit të vitit të kaluar. Të ardhurat hyrëse nga udhëtimet kishin vlerën e 389 milionë eurove, rreth tetë milionë euro më pak krahasuar me të njëjtën periudhë të një viti më parë. Kjo ishte hera e parë prej vitit 2013 që të ardhurat nga turizmi në tremujorin e fundit të vitit pësojnë rënie. Ndërkohë, në raport me tremujorin e tretë, që përbën edhe pikun e sezonit turistik, të ardhurat ranë me rreth 300 milionë euro. Tremujori i katërt i vitit të kaluar dha për herë të parë shenja të një lloj ngopjeje të tregut të turizmit hyrës. Sidoqoftë, për të gjithë vitit 2018 bilanci i të ardhurave nga turizmi ishte sërish pozitiv. Turistët e huaj sollën 1.86 miliardë euro, afërsisht 9% më shumë krahasuar me vitin 2017. Vitin e kaluar Shqipërinë e vizituan afro gjashtë milionë shtetas të huaj. Ky është numri më i lartë i vizitorëve të huaj i regjistruar ndonjëherë në vendin tonë. Të dhënat e Institutit të Statistikave tregojnë se numri i vizitorëve të huaj u rrit me afro 16%. Ndërsa të ardhurat nga turizmi frenuan, shpenzimet e shqiptarëve për udhëtime jashtë vazhduan të rriten edhe në tremujorin e katërt 2018. Ato arritën vlerën e 317 milionë eurove, në rritje vjetore me 10%. Për të gjithë vitin 2018, shqiptarët shpenzuan 1.43 miliardë euro në udhëtime jashtë, 13% më shumë krahasuar me vitin 2017. Edhe në numër, udhëtimet e shtetasve shqiptarë jashtë vendit vitin e kaluar shënuan një shifër rekord, me 5.4 milionë dalje jashtë vendit.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Ndihmat për tërmetin, fatura 500 mln euro po financohet nga buxheti

Ndihmat për tërmetin, fatura 500 mln euro po financohet nga buxheti

Publikuar më 06.08.2020
Më 17 shkurt të vitit 2020, në Konferencën e Donatorëve, e c...

Më 17 shkurt të vitit 2020, në Konferencën e Donatorëve, e cila u mbajt në Bruksel për të mbledhur financime për rindërtimin e pasojave të tërmetit të 26 nëntorit 2019, qeveria shqiptare nëpërmjet premtimeve, siguroi një shumë prej 1,1 miliardë eurosh donacione dhe hua, e cila ishte mjaftueshme për përballimin e krejt dëmeve të vlerësuara […]

Lexo më shumë

Shqipëria me numrin më të ulët të mjekëve në rajon, por mori më pak nga ndihmat e BE-së

Shqipëria me numrin më të ulët të mjekëve në rajon, por mori më pak nga ndihmat e BE-së

Publikuar më 05.08.2020
Të dhënat nga Organizata Botërore e Shëndetësise dhe studime...

Të dhënat nga Organizata Botërore e Shëndetësise dhe studime nga institucione të tjera e kanë vërtetuar se Shqipëria ka nivelin më të ulët të trupës mjekësore në vend në raport me popullsinë, por pavarësisht kësaj vendi ynë ka marrë sasinë më të ulët të fondeve që Bashkimi Europian ka vënë në dispozicion për vendet e […]

Lexo më shumë

9,5 milionë euro nga BERZH për impiantin fotovoltaik në Vaun e Dejës

9,5 milionë euro nga BERZH për impiantin fotovoltaik në Vaun e Dejës

Publikuar më 04.08.2020
BERZH, pra Banka Evropiane për Rindërtim dhe Zhvillim ka nxj...

BERZH, pra Banka Evropiane për Rindërtim dhe Zhvillim ka nxjerrë në pah mundësine e dhënies së një kredie për Korporata Elektroenergjetike Shqiptare, e cila ka vlerën 9.5 milion euro. Kjo shumë do të jetë për një projekt të panelit diellor lundrues që mund të ndihmojë në uljen e përdorimti të hidrocentraleve. Impianti do të ndërtohet […]

Lexo më shumë

Që para fillimit të pandemisë, euro zbret në nivelin më të ulët

Që para fillimit të pandemisë, euro zbret në nivelin më të ulët

Publikuar më 03.08.2020
Monedha e përbashkët ka shënuar një rënie të fortë sot në tr...

Monedha e përbashkët ka shënuar një rënie të fortë sot në tregun e brendshëm valutor. Sipas kursit zyrtar të Bankës së Shqipërisë, një euro u këmbye sot me 123.636 lekë, me një rënie prej 0.59 lekësh në raport me fundin e javës së kaluar. Ky është niveli më i ulët që nga data 17 mars, […]

Lexo më shumë

Standard & Poor’s konfirmon për Shqipërinë vlerësimin aktual në “B+” por paralajmëron uljen e renditjes

Standard & Poor’s konfirmon për Shqipërinë vlerësimin aktual në “B+” por paralajmëron uljen e renditjes

Publikuar më 01.08.2020
Agjencia ndërkombëtare e vlerësimit Standard & Poor’s (S...

Agjencia ndërkombëtare e vlerësimit Standard & Poor’s (S&P) konfirmon për Shqipërinë vlerësimin aktual në “B+” si dhe me perspektivë “të qëndrueshme” në vlerësimin e saj të fundit. Mirëpo, gjithashtu paralajmëron se, nëse borxhi publik vazhdon rritjen dhe materializohen detyrimet e PPP-ve, atëherë do të mund të ule renditjen vitin e ardhshëm. “Ne mund të ulim […]

Lexo më shumë

Nënshkruhet marrëveshja për Parkun Fotovoltaik të Karavastasë, investimi fillon në shtator

Nënshkruhet marrëveshja për Parkun Fotovoltaik të Karavastasë, investimi fillon në shtator

Publikuar më 31.07.2020
Ditën e sotme, qeveria shqiptare ka nënshkruar marrëveshjen ...

Ditën e sotme, qeveria shqiptare ka nënshkruar marrëveshjen me kompaninë gjigande franceze Voltalia në lidhje me ndërtimin e Parkut Fotovoltaik të Karavastasë. Ishte ministrja Balluku që nënshkroi marrëveshjen nga pala shqiptare ndërsa kryeministri Rama bëri me dije se investimi 100 milion eurosh fillon nga muaji shtator. “Është një ditë e shënuar pushimi në kalendarin e […]

Lexo më shumë

Banka Botërore, 15 milionë euro kredi për Shqipërinë për luftën kundër COVID-19

Banka Botërore, 15 milionë euro kredi për Shqipërinë për luftën kundër COVID-19

Publikuar më 31.07.2020
Banka Botërore miratoi një financim prej 15 milionë eurosh k...

Banka Botërore miratoi një financim prej 15 milionë eurosh kredi për Shqipërinë si mbështetje në luftën kundër COVID-19. Financimi do të përdoret për të forcuar shërbimet e shëndetit publik dhe për të mbrojtur jetën e grupeve më të rrezikuara nga virusi. Projekti do të trajnojë stafin mjekësor për të parandaluar infektimet mes tyre. Fondi do […]

Lexo më shumë

Industria globale e turizmit humbi 320 miliardë dollarë

Industria globale e turizmit humbi 320 miliardë dollarë

Publikuar më 30.07.2020
Pandemia e koronavirusit i kushtoi industrisë globale të tur...

Pandemia e koronavirusit i kushtoi industrisë globale të turizmit 320 miliardë dollarë humbje, në periudhën janar-maj të vitit 2020, bëri të ditur Organizata Botërore e Turizmit, që funksionon pranë Kombeve të Bashkuara. Në një raport të publikuar të martën, organizata tha se kjo humbje është tri herë më e madhe se ajo nga kriza globale […]

Lexo më shumë