Moti i keq “mbërthen” Shqipërinë, ja situata në mbarë vendin

Reshjet e dendura të shiut që nisën të premten dhe u përshkallëzuan sot, kanë shkaktuar probleme në gjithë territorin e vendit.

Lundrimi detar është pezulluar sot si pasojë e motit të keq, ku dallgët në det arrijnë deri në 8 ballë. Prej 48 orësh trageti i linjës Vlorë-Brindisi nuk ka kryer asnjë lundrim.

Po ashtu edhe në Durrës, një nga dy tragetet e linjës Bari-Durrës është detyruar për shkak të motit të keq të ndryshojë kahun e lundrimit, duke u vonuar për rreth 3 orë mbërritje.

Situata me reshjet paraqitet e vështirë në Vlorë, ku si pasojë e erërave të forta janë thyer disa pemë dekorative në “Lungomare”, si dhe janë dëmtuar disa biznese.

Ndërkohë në Gjirokastër, liqeni i Viroit ka shkatërruar digën provizore duke shkaktuar vështirësi në qarkullimin e mjeteve në aksin Gjirokastër-Tepelenë. Policia orienton qarkullimin me një sens në këtë pjesë të aksit.

Moti i keq ka vështirësuar gjithashtu qarkullimin në disa akse të kryeqytetit, si Pezë-Helmës apo Arbanë. Erërat e forta rrezuan një shtyllë të tensionit të lartë pranë “Shkollës së Bashkuar”, ndërkohë që raportohet për pemë të rrezuara në disa akse.

Të tjera

Një farsë kosovare

Nga Agron Bajrami Në Kosovë, ka kohë që nuk përbën kurrfarë befasie kur politikanët shkelin fjalën e dhënë, abuzojnë me…

Abissnet