Me dy standarde/ Mbyllet fundjava, Rama iu mohon të drejtën besimtarëve të falen për Bajram

Vendimi për mbylljen e vendit edhe këtë fundjavë e cila përkon me festën Bajramit ka sjell reagime të besimtarëve duke e konsideruar të padrejtë arë. Teksa një javë më parë, me dhjetëra forca policie u ndeshën me qëndrestarët e teatrit, për shembjen e tij, ku distanca fizike nuk u mbajt si pasojë e konfrontimeve, kjo nuk i bëri përshtypje autoriteteve.

Një ngjarje e tillë, u konsiderua normale dhe rregulli për distancim fizik, nuk ishte problem për asnjë palë. Ndërkohë një javë më vonë, ku besimtarët myslimanë kremtojnë një nga festat më të rëndësishme të vitit, kryeministri Rama vendosi të izoloi sërish vendin, duke i mohuar të drejtën këtij komuniteti të falë Bajramin mëngjesin e së dielës.

Edhe pse më herët u projektua që këtë vit falja mos të ndodhë në shesh si çdo vit, por në xhami me një numër të reduktuar, duket se as kjo mundësi nuk do të jetë më për shkak të izolimit. Myftiu i Tiranës njoftoi se në xhami nuk do të lejoheshin fëmijët nën 12 vjeç dhe të moshuarit mbi 65 vjeç.

Kujtojmë që edhe vet kryeministri Rama premtoi se do të rinisë hapja e kishave dhe xhamive për të gjithë besimtarët, pasi rreziku nga Covid -19 është minimizuar ndjeshëm. Referuar edhe shifrave të fundit, në 3 javët e fundit nuk kemi asnjë humbje jete dhe rastet e reja që janë shfaqur i përkasin kontaktit, duke shtuar zonat e gjelbra dhe duke ulur rreziqet e infektimit.

 

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet