“Mblidhte para për udhëtimin e ëndrrave”, 7-vjeçarja shqiptare në Itali dhuron kursimet për të prekurit nga tërmeti

Një 7-vjeçare shqiptare, e cila jeton në Itali ka vendosur të dhuroj të gjitha kursimet e saj për personat e prekur nga tërmeti. Vogëlushja e cila quhet Semona Ndou, kishe filluar të mblidhte para për të bërë një udhëtim në Paris.

7-vjeçarka jeton së bashku me familjen e saj në Firence, por pasi ka parë dhe dëgjuar atë çfarë ka ndodhur në Shqipëri Semona ka vendosur të heq dorë nga ëndrra e saj për një udhëtim në Paris dhe të ndihmojë bashkëmoshatarët e saj për të kaluar këto momente të vështira.

“Udhëtimin mund ta bëj një herë tjetër, këto do i dërgojmë në Shqipëri” – janë fjalët që vogëlushja u ka drejtuar prindërve, ndërsa në dorë mbante arkën e kursimeve.

Mësohet se ka qenë halla e saj, e cila e ka sjellë kursimet e vogëlushes në redaksinë e “Neës24”, dhe bashkë me to edhe një letër.

“Për të gjithë bashkatdhetarët e mi që u tronditën nga tërmeti, unë jap kursimet e mia për t’i ndihmuar me keqardhje nga Firence. Semona”, shkruan vogëlushja.

Ndërsa thuhet se në kavanozin e saj janë plot 70 euro, të cilat stafi i televizionit ka vendosur t’ia dërgojë një prej bashkëmoshatarëve të saj, i preku nga tërmeti.

 

Leave a Reply

Your email address will not be published. Required fields are marked *

Të tjera

Abissnet