Shuhen shpresat e Shqipërisë, Macron kundër Merkelit: Të reformojmë procedurën e pranimit

Kancelarja gjermane Angela Merkel dhe presidenti i Francës Emmanuel Macron mbajtën mbrëmjen e sotme një deklaratë të përbashkët për media.

Në deklaratë u prek edhe çështja e hapjes së negociatave të Shqipërisë dhe Maqedonisë së Veriut me BE. Merkel i përmend Macron faktin se për hapjen e negociatave duhet një vendim unanim, por Macron nuk është në të njëjtën linjë çka shuan shpresat për një vendim pozitiv.

Kemi disa diferenca sa i përket problematikave që janë shfaqur. Ashtu siç e dini duhet një vendim unanim për çeljen e negociatave”, shprehet Merkel.

Ndërsa Macron vijon t’u qëndrojë deklaratave të mëparshme, duke theksuar se duhet reformim i procedurave të pranimit të shteteve në BE.

“Për çështjen e zgjerimit. Europa është një shtëpi e madhe dhe e bukur në të cilën jetojmë së bashku. Kemi njerëz që duan të dalin nga kjo shtëpi dhe të tjerë që refuzojnë të hedhin para të tjera për të investuar në këtë shtëpi më shumë se 1%. Po ashtu siç ka nga ata që ikin, ne na duhet që të ftojmë në këtë shtëpi dhe miq të rinj. Jam dakord që një formë bonsensi duhet arritur për këtë çështje dhe nuk jemi ende totalisht në këtë pikë. Nuk mund të ndal së thëni se nuk jemi ende në atë pikë të marrëveshjes”, tha Macron.

“Përshëndes kurajon dhe arritjet që janë bërë nga dy drejtuesit e Shqipërisë dhe Maqedonisë së Veriut ata kanë bërë një punë shumë të madhe në vendet e tyre në vitet e fundit. Dhe unë e njoh këtë gjë dhe dua të dërgoj një sinjal pozitiv. Në radhë të dytë të them se ashtu si kancelarja mendoj se ky rajon është me një rëndësi strategjike për Europën. Pikë se treti, mendoj se kemi ende gjëra të tjera për të finalizuar më pas të hapim negociatat. Mendoj që duhet ta reformojmë këtë procedurë që është aktualisht e pakthyeshme kemi dhe gjëra të çuditshme në këtë proces. Për shembull kemi lëvizjen e lirë përpara se të hapen negociatat. Kemi lëvizjen e lirë me Shqipërinë pa hapur negociatat dhe kjo është një lloj marrëdhënie e çuditshme. Në mirëbesim kemi dhënë lëvizjen e lirë dhe kemi mijëra e mijëra persona që kërkojnë azil”, vijoi presidenti francez.

Leave a Reply

Your email address will not be published. Required fields are marked *

Të tjera

Abissnet