“Lutuni për Shqipërinë”, solidaritet nga klubi ku luan Bare dhe Sadiku (VIDEO)

Shqipëria po kalon orë të vështira pas tërmetit të fuqishëm me magnitudë 6.4 që la të paktën 49 persona të vdekur dhe qindra të tjerë të lënduar e të pastrehë.

Klube të ndryshme të futbollit në Evropë janë solidarizuar me vendin tonë që përjetoi një ndër tragjeditë më të rënda të dekadave të fundit.

Malaga, skuadra ku luan Kejdi Bare dhe Armando Sadiku, ka zbritur sonte në fushë me një fanellë ku shkruhej “pray for Albania”, pra “Lutuni për Shqipërinë”.

Mbi videon e postuar në rrjetet sociale, ishte mbishkrimi: “Sot jemi futur në fushë me një mesazh mbështetjeje për të gjithë viktimat në Shqipëri”.

Në këto pamje duken dy lojtarët e kombëtares shqiptare me fanellën “Lutuni për Shqipërinë”.

Leave a Reply

Your email address will not be published. Required fields are marked *

Të tjera

Abissnet