Luigi Soerca: Nisja e negociatave me Shqipërinë në interes të BE-së

Ambasadori i Bashkimit Evropian në Shqipëri, Luigi Soerca, ka bërë një deklaratë në rrjetin social Twitter, duke thënë se, hapja e negociatave të Shqipërisë me Bashkimin Evropian është në interes jo vetëm të Shqipërisë por edhe të Bashkimit Evropian. Soreca shkruan se: “Rekomandimi i Komisionit Evropian për të hapur negociatat me Shqipërinë është njohje e rezultateve të reformave të prekshme. Nisja e negociatave për anëtarësim nuk është vetëm në interes të Shqipërisë, por edhe në interes të Bashkimit Evropian”. Deklaratat e Sorecës marrin shtysë nga vizita në Bruksel e Kryeministrit Edi Rama. Ai u takua me Përfaqësuesen e Lartë të Politikës së Jashtme në Bashkimin Evropian, Federica Mogherini.

Koçijançiç shkruan për takimin Rama-Mogherini: Komisioni i njeh rezultatet e reformave

Zëdhënësja e BE-së për Politikën e Jashtme, Maja Koçijançiç ka reaguar në ‘Twitter’ pas takimit që Federica Mogherini zhvilloi me kryeministrin Edi Rama. Koçijançiç thekson se Komisioni Evropian i ka njohur rezultatet e prekshme të reformave, veçanërisht me reformën në drejtësi. “Federica Mogherini mirëpriti sot në Bruksel kryeministrin e Shqipërisë, Edi Rama, pas rekomandimit të Komisionit Evropian për Këshillin e Evropës për të hapur negociatat, duke njohur rezultatet e prekshme të reformave, në veçanti me reformën në drejtësi”, shkruan zëdhënësja e Mogherinit. Gjatë qëndrimit në Bruksel, Rama do të takohet edhe me drejtues të tjerë të Bashkimit Evropian, të cilëve do u kërkoje hapjen e negociatave për Shqipërinë./E. Dervishi

 

 

Leave a Reply

Your email address will not be published. Required fields are marked *

Të tjera

Abissnet