Lotaria Amerikane/ Ambasada e SHBA tregon “recetën” e një aplikimi të suksesshëm, ja detajet

Publikuar më 10. 11. 2017 nga Eno Shkëmbi

Ambasada amerikane ka dhënë të tjera detaje lidhur me të interesuarit që duan të aplikojnë për Lotarinë DV-2019.

Ambasada e SHBA postoi “recetën” për të bërë një aplikim të suksesshëm, si dhe i është përgjigjur pyetjes së të interesuarve se mund të merren përgjigjet për ata që kanë bërë aplikimin.

Ambasada amerikane ka dhënë këtë përgjigje në faqen e saj në “Facebook”:

Tek udhëzimet e lotarisë, që i gjeni te https://al.usembassy.gov/…/immigrant…/diversity-visa-sq/, citohet që ju duhet ta kontrolloni statusin tuaj nga 1 maji 2018 deri më 30 shtator 2019.

Kontrolli i Statusit të tё Regjistruarit do të jetë e vetmja mënyrë informimi mbi përzgjedhjen tuaj për Lotarinë DV-2019, duke ju dhënë udhëzime se si të vazhdoni mё tej me aplikimin tuaj dhe duke ju njoftuar mbi takimin për vizë emigrimi.

  • Duke filluar nga 15 maji 2018, për të parë nëse janë përzgjedhur, të regjistruarit e DV-2019 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në state.gov. Kontrolli i Statusit të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten dhe anëtarët e tyre të familjes.  Departamenti gjithashtu do t’u konfirmojë të përzgjedhurve datat e tyre të intervistave për vizë nëpërmjet Kontrollit të Statusit të Regjistruarve.

‘Receta’

“Ndiqni në vizatimin më poshtë recetën time për një aplikim të suksesshëm për lotarinë! Është më e lehtë sesa të bësh byrek! Sigurisht, që mund të më pyesni nëse nuk kuptoni ndonjë nga përbërësit e recetës”- shkruan ambasada.