Legalizohen kriptomonedhat, Shqipëria zë vendin e tretë në Europë për ligjërimin e tyre

Miratimi i projektligjit në seancën plenare në lidhje me kriptomonedhat, bën që Shqipëria të jetë vendi i tretë në Europë që do të njohë me ligj kriptomonedhat, pas Maltës dhe Francës.

Miratimi i këtij ligji sjell njohjen e 5500 llojeve të valutave që qarkullojnë në tregjet globale dhe tashmë do të mund të këmbehen me para cash në çdo pikë  këmbimi.

Tregu i kriptomonedhave në vitin 2008 ka arritur pikun më të lartë me një kapital prej 800 miliardë dollarëve. Ligjërimi i tyre në një treg të mirëfilltë, shihet si tepër fitimprurës, pasi jo vetëm tërheq më shumë investitorë dhe transaksionet janë të lehta e të shpejta, por gjithashtu duke u kthyer në biznes, formalizimi do të gjenerojë më shumë të ardhura.

Ekspertët thonë se duhet kujdes sa i përket zbatueshmërisë së këtij ligji, pasi përdorimi i monedhave virtuale ka rrezik për pastrimin e parave dhe aktivitete të tjera të jashtëligjshme.

Dokumenti në fjalë u prezantua nga Qeveria shqiptare në tetor të vitit të kaluar. Synimi i këtij ligji të ri është që të rregullojë gjithë infrastrukturën mbi bazën e së cilës funksionon teknologjia e regjistrave të shpërndarë, duke vendosur kushtet për licencimin, ushtrimin e aktivitetit të operatorëve dhe bursave, mbikëqyrjen e tyre, kushtet për emetimin monedhave virtuale.

Ky projektligj përcakton Autoritetin e Mbikëqyrjes Financiare si institucioni që vlerëson të gjitha aspektet rregullatore dhe përputhshmërinë me kërkesat ligjore. Kriptovalutat janë aktive virtuale dhe sipas të dhënave nga Autoriteti Europian i Titujve dhe Tregjeve, vitin e kaluar tregu global i aktiveve virtual vlerësohej në rreth 130 miliardë dollarësh amerikanë dhe përfshinte rreth 2 mijë asete të ndryshme.

Sidoqoftë, aktiviteti i kriptomonedhave shtron shumë shqetësime për autoritetet rregullatore, të lidhura me rreziqet e shfrytëzimit për veprimtari të jashtëligjshme, që nga mashtrimi i investitorëve e deri tek pastrimi i parave.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet