Lajm i hidhur nga Turqia, ndërron jetë 15-vjeçarja që drithëroi zemrat e të gjithë shqiptarëve

Një lajm i hidhur vjen nga Turqia, ku mësohet se ka ndërruar jetë 15-vjeçarja shqiptare Elona Kuburja.

Njoftimin e ka ndarë Arbër Hajdari përmes rrjeteve sociale. Rasti i 15-vjeçares u bë i njohur pas publikimit të lajmit se ajo po luftonte me vdekjen në shtratet e QSUT-së dhe kishte pak ditë jetë.

E mitura vuante nga një sëmundje e rrallë që regjistronte vetëm 250 të prekur në mbarë botën. Në gjuhën mjekësore sëmundja e saj njihet si hemangioma kongenitale me evolim drejt sindromës kasabach mërittë.

Kujtojmë falë donacioneve të shumë qytetarëve shqiptarë, e një ndërhyrje në momentet e fundit të qeverisë, 15-vjeçares iu krijua mundësia të kurohej në një spital privat në Stamboll.

Nëpërmjet një apeli, 15-vjeçarja i kërkonte Ministrisë së Shëndetësisë që ta ndihmonte të jetonte si bashkëmoshatarët. “Unë quhem Elona Kuburja, i lutem Ministrisë së Shëndetësisë të më ndihmojë të shërohem dua të jetoj edhe unë si shoqet e mia! Ju lutem kushdo që e dëgjon të ndihmojë sado pak që edhe unë të shërohem”, do të shprehej ajo në apelin prekës.

Në lutjet për shpëtimin e Elonës, nuk ka munguar as thirrja e nënës së saj.  “Elona ka lindur me këtë sëmundje. I erdhi e papritur, e kapa shumë vonë. Kam shkuar në të gjitha spitalet dhe të gjithë doktorët kanë ngritur duart, nuk më janë përgjigjur për sëmundjen e gocës. E kam çuar te spitali në Krujë, ata e sollën me ambulancë këtu, këtu e çuan në një spital tjetër dhe e sollën sërish këtu. U detyrua doktori e futi në sallën e operacionit nga hemorragjia e tepërt. Për 24 orë ju rikthye sërish hemorragjia dhe u detyruan doktorët ta operonin sërish. Dua që t’i bëj një apel të gjithë shqiptarëve të më ndihmojnë për jetën e vajzës, sadopak të kontribuojnë për të”, u shpreh nëna e saj, Adelina Kuburja.

Me gjithë mjekimin e specializuar të marrë atje, 15-vjeçarja e ka humbur luftën për jetën, duke lënë pas hidhërim te familjarët dhe trishtim te njerëzit që u njohën me rastin.

Sindroma

Sindroma Kasabach-Merritt, është një sëmundje e rrallë, e lidhur me tumore vaskulare specifike, hemangioendothelioma kaposiforme dhe angioma e ngritur. Fenomeni Kasabach-Merritt, karakterizohet nga trombocitopenia e thellë, hipofibrinogenemia, produktet e ngritura të ndarjes së fibrinës dhe rritja e shpejtë e tumorit, të cilat rrezikojnë jetën. Kjo sëmundje gjithashtu shfaqet në mënyrën e anemisë së rëndë simptomatike. Me diagnozë dhe menaxhim të shpejtë, kjo sëmundje mund të shërohet. Ky rishikim nxjerr në pah prezantimin klinik, histopatologjinë, menaxhimin dhe trajtimin e KMP të shoqëruar me hemangioendothelioma kaposiform, dhe angioma më pak të shpeshtë. Patologjia është shumë e rrallë, e cila konsiston më së shumti në hemorragji, bllokimin e kockave dhe çdo pjesë trupi. Në të shumtën e rasteve, kjo sëmundje të merr dëgjimin, po ashtu edhe shikimin.

Leave a Reply

Your email address will not be published. Required fields are marked *

Të tjera

Lapërdhosja e shtetit

Rezart Prifti Këto ditë të bukura Tetori në Shqipëri diskutohet si përherë për surealen, për të paprekshmen, për atë që…

Abissnet