Kush martohet në moshë të re më i rrezikuar nga divorci, ja studimi

Publikuar më 10. 02. 2018 nga Eno Shkëmbi

Në një shkrim të revistës “Time”, të bazuar mbi statistika, thuhet se femrat që presin deri në moshën 26-vjeçare për t’u martuar kanë mundësi më të madhe për një martesë jetëgjatë. Ndërkohë, e kundërta ka gjasa të ndodhë me femrat që janë martuar në moshë të re, pasi kanë shanse më të larta për divorc rreth moshës 45-vjeçare.

Sipas të dhënave të Regjistrit të Punës, numri më i madh i divorceve është mes femrave që janë martuar rreth moshës 15-20 vjeç. Të dhënat janë analizuar nga sociologu i Universitetit të Maryland, Philip Cohen. Mesatarisht këto martesa që quhen edhe si “martesat e fillimit” zgjasin nga një deri në 10 vjet.

28-32 vjeç është mosha ideale e një njeriu për martesë afatgjatë, thotë një tjetër studim i vitit 2015. Revista “Time” thekson se martesa si institucion ka pësuar goditje të forta në modernitet, kësisoj në ditët e sotme duhen shumë përpjekje për një martesë të suksesshme.