Kokëdhima: Minishengeni, “thikë pas shpine” për popullin dhe qeverinë e Kosovës

Kreu i partisë “Zgjidhja”, Koço Kokëdhima, kritikoi edhe njëherë Minishengenin Ballkanik, duke e quajtur një nismë të gabuar të qeverisë Rama.

Në intervistën e dhënë për Mustafa Nanon në emisionin “Provokacja”,  Kokëdhima tha se përmes Minishengenit dorëzojmë atë pak treg, dhe do të konsumohen vetëm prodhime sllave.

Ai e konsideroi Minishengenin një “thikë pas shpine” për popullin dhe qeverinë e Kosovës, ndërsa shtoi se Ramush Haradinaj ka mbajtur qëndrime prej burri shteti.

“Minishengeni është nismë e gabuar e kryeministrit të Shqipërisë. Nëse Serbia nuk reflekton mbi Kosovën kjo nuk mund të ndodhë.  Së dyti Shqipëria nuk mund të bëjë këto hapa nëse nuk i sjellin të mira vendit tonë. Por i sjellin rreziqe dhe pasoja. Ne nuk konkurrojmë dot me bujqësi. Nëse ne bëjmë Minishengen-in ne thjesht dorëzojmë edhe atë pak treg ku shqiptarët konsumojnë ato pak produkte shqiptare dhe do të konsumojmë prodhime sllave. Do të vijë puna që këtu nuk do të shitet as djath e as produkte bujqësore. Ne duhet të integrohemi me Kosovën, duhet të heqim traun me Kosovën”, tha Kokëdhima.

Duke folur për taksën 100 për qind të kryeministrit të Kosovës Ramush Haradinaj ndaj Serbisë, Kokëdhima e konsideroi vendimin e tij shumë të drejtë. “I kujtoi opinionit ndërkombëtar që Kosova është një shtet i pavarur me njohje të shumta ndërkombëtare”, shtoi kreu i “Zgjidhja”.

Në thirrjen e tij për Kurtin, Kokëdhima tha: “E gjykoj gabim për Albinin që ende nuk ka mbyllur me marrëveshjen me LDK-në. Duhet të merrte kohën e nevojshme në qeverisje dhe të përgatiste një realitet tjetër për Kosovën”.

 

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet