×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

KLSH: Abuzime në projektin për asistencën sociale, Kuvendi shton 11 milionë huan

Nga Neritan Gjergo

Mungon tërësisht analiza se cilat janë objektivat e parealizuar të kredisë së mëparshme prej 38 milionë euro, të cilat imponojnë marrjen e një kredie shtesë prej 11 milionë dollarë. KLSH zbuloi një vit më parë abuzime 1.6 milionë euro

Shumica parlamentare ka miratuar dje, thuajse në heshtje absolute një projektligj, përmes të cilit financohet një projekt për modernizimin e asistencës sociale. Me 76 vota pro, të majtët kanë votuar për një projekt, i cili jo vetëm rrezikon të dështojë, por me gjasë do të jetë vijim i rrugës së dhjetëra nismave, që kanë vjelë miliona euro dhe në të gjitha rastet kanë përmbushur vetëm 1 objektiv; reduktimin dhe bllokimin e ndihmës ekonomike për mijëra familje, të cilave realisht u nevojitet.

Programi

Platforma në fjalë, nuk orienton të zgjidhë hallet e mijërave familjeve në nevojë, por mëton me terma klishé, të modernizojë sistemin,  të ofrojë mbështetje, transparencë etj… Si zgjatim i një programi të nisur në vitin 2012, nga qeveri Berisha me një kredi që vlejti 38 milionë euro, tashmë po i njëjti program i zbukuruar me fjalorin novativ të kohës akordon edhe një hua shtesë me vlerë 11 milionë dollarë. Mbi këto pará, edhe BE ofron për asistencë teknike 1.3 milionë euro. Ndërkohë, ironik është fakti se kur ratifikohen marrëveshje të tilla, buxheti në dispozicion të familjeve të varfra në vit është diçka më pak se 20 milionë euro.

Dhe po t’i bëhet analizë edhe asaj çka konstaton Banka Botërore, se më shumë se gjysma e familjeve të varfra janë përjashtuar, duket hapur se kjo kategori do të vijojë të vuajë, e në kurriz të saj, do të përfitojnë një dorë individësh të lidhur me pushtetin. Banka Botërore deklaron se 70 për qind e familjeve më të varfra në Shqipëri janë të përjashtuara nga ndihma ekonomike. Të dhënat janë bërë publike në një raport auditimi mbi projektin e modernizimit të asistencës sociale. Raporti ka analizuar familjet që përbëjnë 10 përqindëshin më të varfër të popullsisë, ose 75 mijë familjet më të varfra të vendit. Sipas tij, vetëm një e treta e tyre janë të mbuluara nga ndihma ekonomike, ndërsa pjesa tjetër jo. Kjo do të thotë se, nga 75 mijë familjet më të varfra të vendit, vetëm 22 mijë prej tyre marrin ndihmë ekonomike, ndërkohë që 53 mijë familje të tjera nuk përfitojnë.

Në emër të modernizimit…

Në vitin 2012, ministri i Financave, Ridvan Bode dhe përfaqësuesja e Bankës Botërore Kseniya Lvovsky firmosën marrëveshjen e projektit të modernizimit të asistencës sociale, në prani edhe të Ministrit të Punës, Çështjeve Sociale dhe Shanseve të Barabarta Spiro Ksera, ky i fundit i akuzuar dhe dënuar për korrupsion. Në përshkrim të objektivave, në të shkruhej se, “Projekti synon në përmirësimin e barazisë përmes përmirësimit të targetimit, përkatësisë dhe mbulimit për të dy programet Ndihmës Ekonomike dhe atë të Asistencës për paaftësinë, për të siguruar që financimet u drejtohen atyre që kanë më shumë nevojë.

Sistemi aktual i asistencës sociale ka nevojë të modernizohet dhe automatizohet në mënyrë që të përmirësojë eficiencën e programeve. Kjo do të ndihmonte administrimin më të mirë të asistencës duke identifikuar dhe shmangur gabimet e abuzimet. Gjithashtu do të ndihmonte qeverinë në marrjen e vendimeve të informuara dhe në kohën e duhur. Projekti do të mbështesë edhe përmirësimin e transparencës, që lidhet me drejtime kryesore të reformës përmes komunikimit proaktiv, sistemeve të modernizuara të informacionit dhe rritjen e qartësisë mbi “rregullat, rolet dhe kontrollin”. Dhe në vite histori, falë këtij projekti janë shpallur raste me emra pasanikësh e militantësh që kanë tërhequr për muaj apo vite me radhë paratë e mijëra familjeve të varfra që jetojnë në limitet e mbijetesës.

Me një qëllim të ngjashëm ka prezantuar projektin edhe ministria aktuale e Shëndetësisë dhe Mbrojtjes Sociale. Por, në realitet vlen të theksohet se vetëm në dy muajt e parë të këtij viti, përmes këtij sistemi, qeveria ka hequr ndihmën ekonomike për mbi 20 mijë familje. Përmes të tilla zhveshjeve që bën qeveria, drejtuesi i saj Edi Rama denjon të vërë në pah faktin se ka rritur masën e shpërblimit për këto familje. Por, edhe nëse kjo shtesë do të gjente pakëz vëmendje për optimizëm, atë shuan INSTAT pas çdo raporti, i cili citon në të fundit se “masa e ndihmës ekonomike që shteti jep për familjeve të varfra është rritur më pak se kostoja e jetesës duke përkeqësuar gjendjen e tyre në tre vitet e fundit”.

Ligj pa argumente

Në një prej komisioneve ku diskutohej projektligji, një pjesë e anëtarëve dolën në konkluzion për një sërë pikash që nuk i japin zgjidhje skemës së pagesave të asistencës sociale.

– Objektivat e kësaj marrëveshje janë tepër të përgjithshme,

– Mungon tërësisht detajimi sipas secilit objektiv të projektligjit,

– Është e paqartë pesha që zë asistenca teknike në projektin prej 11 milionësh dollarë

– Është i paqartë shpjegimi për implementimin e kësaj shume. Kërkohet të shpjegohet se cila është pesha financiare e hartimit të dokumenteve strategjikë

– Mungon tërësisht analiza se cilat janë objektivat e parealizuar të kredisë së mëparshme prej 38 milionë euro, të cilat imponojnë marrjen e një kredie shtesë prej 11 milionë dollarë.

KLSH, ministria shpërdoroi 1.6 milionë euro

Në një raport të thelluar që Kontrolli i Lartë i Shtetit nxori në vitin 2017 për programin në fjalë, kritikonte Ministrinë e Mirëqenies Sociale dhe Rinisë për ka shpenzuar në mënyrë joefektive e 1.6 milionë euro nga huaja e vitit 2012. Mbi këtë keqmenaxhim, KLSH i kërkonte MMSR-së të analizonte situatën dhe të nxirrte përgjegjësitë, ndërsa  tërhiqte vëmendjen se projekti po vonohej dhe nuk po përmbushej në kohë. Por edhe tentativat për të kaluar në një sistem të ri menaxhimi të asistencës, pas këtyre rekomandimeve, duket se nuk po i përmbushin, së pari nevojat e njerëzve të varfër dhe së dyti objektivat e programit.

Lodhje dhe stres

Mënyra e re e menaxhimit të skemës së ndihmës ekonomike, po pilotohet fillimisht në tri qarqe të vendit dhe kryesisht në Tiranë, Durrës dhe Elbasan. Ky projekt konsiston ndër të tjera, në marrjen online të informacioneve të nevojshme për familjet aplikuese, nga institucionet, gjë e cila për fat të keq nuk bëhet, pasi shumë prej këtyre institucioneve nuk janë të përfshira në këtë sistem ose nuk kanë bërë akoma informatizimin e të dhënave të tyre dhe kryqëzimi i tyre është ende i pamundur. Vetëm në dy ose tre institucione nga njëmbëdhjetë të tilla, mund të merret konfirmimi online i informacionit të kërkuar. Të gjitha institucionet e tjera e bëjnë konfirmimin e listave të aplikuesve në mënyrë shkresore, gjë e cila lë shumë për të dëshiruar, pasi konfirmimet e tyre në shumë raste janë formale, duke rritur shkallën e abuzivizmit.

Por çfarë po ndodh me individët dhe familjet e varfra, që duan të aplikojnë për përfitimin e masës së ndihmës ekonomike? Individët dhe familjet në nevojë, paraqiten në dyert e zyrave të ndihmës ekonomike të pushtetit vendor, për të plotësuar formularët e aplikimit për ndihmë ekonomike (koha për plotësimin e formularit të pikëzuar nga një aplikant shkon në rreth 35 min.) Pas plotësimit të saktë të formularëve edhe pse gjendja e tyre ekonomike mund të jetë shumë e vështirë, shumë prej tyre nuk e përfitojnë ose nuk kualifikohen nga sistemi për të përfituar ndihmë ekonomike. Ata ankohen në zyrat e shtetit, por ankesa e tyre bie në vesh të shurdhër. Mirëpo, rruga e ankimimit është bërë aq e gjatë, sa njerëzve u krijohet një stres dhe një lodhje, më e madhe se ajo që u ka krijuar vetë varfëria që i ka pllakosur.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Popullsia rurale bie me 4% për 4 vite

Popullsia rurale bie me 4% për 4 vite

Publikuar më 18.04.2022
Tranzicioni demografik në vend është shndërruar në një probl...

Tranzicioni demografik në vend është shndërruar në një problematikë për forcën e punës në të gjithë sektorët e ekonomisë në vend, por bujqësia mbetet më e rrezikuara, pasi popullsia në zonat rurale është duke u tkurrur me ritme më të shpejta se popullsia totale për shkak të emigracionit të lartë dhe migrimit të brendshëm. Ministria […]

Lexo më shumë

Shtrenjtimi i mallrave, më i larti në një dekadë

Shtrenjtimi i mallrave, më i larti në një dekadë

Publikuar më 10.04.2022
Çmimet e produkteve që janë bërë objekt i bordit të transpar...

Çmimet e produkteve që janë bërë objekt i bordit të transparencës po shënojnë rritje të ndjeshme, që e ka origjinën shumë më herët se shpërthimi i luftës në Ukrainë. Të dhënat e INSTAT tregojnë se inflacioni i grupit “Bukë dhe drithëra” në muajin shkurt arriti nivelin 6.6%. Kjo rritje çmimesh është më e larta e […]

Lexo më shumë

Gazsjellësi TAP kalon në tokën shqiptare por vendi ynë nuk përfiton asgjë, zbulohet plani i presidentit azerbajxhanas për Shqipërinë dhe Ballkanin

Gazsjellësi TAP kalon në tokën shqiptare por vendi ynë nuk përfiton asgjë, zbulohet plani i presidentit azerbajxhanas për Shqipërinë dhe Ballkanin

Publikuar më 07.02.2022
Presidenti i Azerbajxhanit, Ilham Aliyev tha se tregjet evro...

Presidenti i Azerbajxhanit, Ilham Aliyev tha se tregjet evropiane të energjisë do të shohin më shumë gaz që rrjedh nga Azerbajxhani në Korridorin Jugor të Gazit në vitin 2022 duke pasur parasysh paqëndrueshmërinë e tregut që mund të çojë në një krizë të paqëndrueshme energjetike. Vërejtjet e presidentit Aliyev erdhën në takimin e 8-të ministror […]

Lexo më shumë

Një thes me para, për thuajse asgjë: Inceneratori i Elbasanit përpunoi vetëm 11% të mbetjeve të gjeneruara në qark më 2020

Një thes me para, për thuajse asgjë: Inceneratori i Elbasanit përpunoi vetëm 11% të mbetjeve të gjeneruara në qark më 2020

Publikuar më 19.01.2022
Edhe pse qeveria investoi 24 mln euro me Partneritet-Publik-...

Edhe pse qeveria investoi 24 mln euro me Partneritet-Publik-Privat për ndërtimin e një inceneratori për përpunimin e mbetjeve në Elbasan, ky qark pati nder sasitë më të larta të mbetjeve të pamenaxhuara në vitin 2020. Të dhënat zyrtare nga INSTAT tregojnë se, prefektura e Elbasanit gjeneroi mbi 92 mijë tonë mbetje gjatë vitit 2020, teksa […]

Lexo më shumë

Media pranë Brukselit: Qeveria shqiptare vazhdon të japë koncesione për kompanitë e implikuara në krimin financiar

Media pranë Brukselit: Qeveria shqiptare vazhdon të japë koncesione për kompanitë e implikuara në krimin financiar

Publikuar më 04.01.2022
Pavarësisht se pronarët e kompanive që u janë dhënë koncesio...

Pavarësisht se pronarët e kompanive që u janë dhënë koncesionet e diskutueshme të inceneratorëve të mbetjeve që kërkohen për korrupsion aktiv dhe pastrim parash, qeveria ka konfirmuar se do të vazhdojë t’i paguajë ato. Skandali i inceneratorëve bëri që një kompani pa përvojë paraprake të fitonte oferta të pakërkuara për të ndërtuar dhe operuar inceneratorë […]

Lexo më shumë

Paketa e re fiskale hyn në fuqi, cilat janë ndryshimet e parashikuara në taksa e tatime

Paketa e re fiskale hyn në fuqi, cilat janë ndryshimet e parashikuara në taksa e tatime

Publikuar më 01.01.2022
Me ndërrimin e viteve ka hyrë në fuqi edhe paketa fiskale 20...

Me ndërrimin e viteve ka hyrë në fuqi edhe paketa fiskale 2022. Me këtë paketë parashikohen disa ndryshime në taksa dhe tatime. Kështu, duke nisur nga korriku pagat dysheme që nuk do t’i nënshtrohet tatimit mbi të ardhurat do të shkojë nga 30 mijë lekë në 40 mijë lekë. Kurse kufiri për taksimin e pagave […]

Lexo më shumë

Përdorin vetëm fjalët, ata lëvizin me avionë privat dhe helikopterë/ Forumi i më të pasurve të botës pezullohet për muajin janar 2022, do të mbahet virtualisht

Përdorin vetëm fjalët, ata lëvizin me avionë privat dhe helikopterë/ Forumi i më të pasurve të botës pezullohet për muajin janar 2022, do të mbahet virtualisht

Publikuar më 20.12.2021
Forumi Ekonomik Botëror në Davos do të bëhet virtualisht për...

Forumi Ekonomik Botëror në Davos do të bëhet virtualisht për të dytin vit radhazi, mes rritjes së rasteve të COVID-19 në Evropë dhe frikës për variantin Omicron, njoftuan organizatorët të hënën. “Kushtet aktuale të pandemisë e bëjnë jashtëzakonisht të vështirë mbajtjen e një takimi global personal”, tha WEF në një njoftim. Në vend të kësaj, […]

Lexo më shumë

‘Tronditen’ arkat e shtetit nga personat e larguar nga Administrata! KLSH zbulon 318 milionë euro humbje për vitin 2020

‘Tronditen’ arkat e shtetit nga personat e larguar nga Administrata! KLSH zbulon 318 milionë euro humbje për vitin 2020

Publikuar më 29.10.2021
Janë 318 milionë euro (39.1 mld lekë)  është humbja në buxhe...

Janë 318 milionë euro (39.1 mld lekë)  është humbja në buxhetin e shtetit për vitin 2020, sipas KLSH-së. Këto humbje kanë ardhur kryesisht për shkak të pagesave të të larguarve nga puna apo gjyqet ndërkombëtare. Kjo shumë është zbuluar nga rreth 103 auditime të kryera në institucione të ndryshme shtetërore. Efektet negative financiare vijnë kryesisht […]

Lexo më shumë