Këngëtarja shqiptare para gjyqit, shantazhoi futbollistin e Milanit për të heshtur rreth “abortit”

Publikuar më 30. 11. 2017 nga Shekulli Online

Ajo ka provuar ta shantazhojë futbollistin Calhanoglu, duke i kërkuar atij 250 mijë euro për të heshtur rreth “abortit” që e kishte bërë ajo për shkak të tij.

Anita Latifi qe bërë e njohur pak vite më parë për pjesëmarrjen në shown e madh gjerman të talenteve të këndimit, “DSDS”. Por sot ajo ka pasur një skenë tjetër për t`u ngjitur dhe jo më në skenën e spektaklit. Anita përgjigjet në një gjykatë të Dyseldorfit se ka provuar ta shantazhojë futbollistin e njohur turkogjerman Hakan Calhanoglu, i cili luan për kombëtaren turke duke i kërkuar atij 250 mijë euro shkruan “Bild.De”. Në atë kohë ai ka luajtur për FC Leverkusen.

Këtë gjë, Anita Latifi akuzohet se e kishte bërë në bashkëveprim me gazetarin Abdel H.

Sipas padisë, Abdel H. në korrik të vitit 2016 i kishte telefonuar këshilltarit të Calhanoglut, i cili ndërkohë luan për AC Milano, transmeton albinfo.ch. Atij i ishte drejtuar me fjalët se Calhanoglu duhet të paguajë 250 mijë euro për abortimin e fëmijës që gjoja e kishte bërë një yll i DSDS. Vetëm nëse e bën këtë pagesë, ai mund ta vazhdojë karrierën.

Por, sipas akuzës, Anita Latifi as që ka qenë ndonjëherë shtatzënë, ndonëse ajo vetë thotë se ka qenë. Këtë e ka deklaruar për medie të ndryshme gjermane, transmeton albinfo.ch. Ndërsa në televizionin Sat 1 Anita ka thënë se aq shumë presion i është bërë nga kampi i Calhanoglu-z sa që ajo ishte detyruar në fund të abortonte.

Me rastin e marrjes në pyetje, gazetari dhe këngëtarja, sipas akteve hetimore kanë kundërshtuar të gjitha. Por prokurori është i sigurt se ata të dy janë fajtorë. Veç të tjerash edhe për faktin se Latifi në gazeta ka dhënë versione të ndryshme të ngjarjes.

I pari dëshminë e vet e ka dhënë sot Calhanoglu. Ai ka thënë se gjithçka ka filluar në vitin 2013 kur ai ishte duke luajtur për HSV. “Ne kemi pasur miqësi të ngushtë dhe po ashtu edhe kemi fjetur bashkë, transmeton albinfo.ch. “Por unë gjithmonë kam pasur kujdes dhe jam ruajtur”, ka thënë ai. Ndërsa lidhja mes tyre kishte përfunduar para fillimit të pauzës dimërore të Bundesligës.