Katër autobusë me protestues nisen nga Berati drejt Tiranës

Mbrëmjen e sotme, opozita e bashkuar do të organizojnë protestën e saj të radhës kundër qeverisë aktuale. Ndërkohë, që në rrethet e vendit, protestuesit janë organizuar për t’ju bashkuar këtij tubimi ndërsa aktualisht në Berat, protestës pritet ti bashkohen katër autobusë.

Sipas raportimeve bëhet me dije se katër autobusë janë vënë në dispozicion të anëtarëve, simpatizantëve por edhe qytetareve, të cilët po nisen drejt Tiranës. Nisja e protestuesve u organizua jashtë mjediseve të selisë blu në këtë qytet.

Dega e PD-së Berat prej ditësh organizoi punën me takime në grup-seksione në të gjitha nivelet, me qëllim organizimin e punës, në mënyrë që protesta të kishte pjesëmarrje sa më të lartë. Pranë mjediseve të PD-së u vu re edhe prezenca e shumë mjeteve të vogla private, të cilat po nisen me protestues të opozitës drejt Tiranës.

Sipas kryetarit të Partisë Demokratike të Beratit Gazmend Azizi, numri i protestuesve demokratë beratas që do t’i bashkohen protestës në Tiranë është rreth 900, ndërkohë që burime nga Selia e LSI-së konfirmojnë se rreth 400 protestues janë nisur drejt Tiranës me mjete të vogla private.

Organizime mësohet se ka pasur me mjete të vogla dhe mikrobusë edhe nga Bashkia Urë Vajgurore.

Leave a Reply

Your email address will not be published. Required fields are marked *

Të tjera

Abissnet