Kate Middleton flet për daljen në publik me fëmijën e parë: Ishte e tmerrshme

Kate Middleton ka folur gjerë e gjatë së fundmi në “Happy Mum, Hapyy Baby” për mëmësinë dhe si ndihet ajo si nënë e tre fëmijëve. Dukesha e Cambridge ka sjellë në jetë fëmijët e saj në 2013-tën, 2015-tën dhe 2018-tën, e menjëherë pas lindjeve është shfaqur në publik duke mbajtur në krahë vogëlushët, sepse ashtu e kërkon tradita.

Gjatë intervistës së saj të fundit, Kate ka treguar se ky moment nuk ka qenë aspak i këndshëm për të, madje ajo e cilëson si “tmerrues”.

“Si ishte të dije se jashtë të prisnin shumë njerëz pas lindjes tënde dhe ti duhet të shfaqeshe para tyre së bashku me familjen tënde?”, e ka pyetur Giovanna Fletcher dukeshën.

“Nuk do të gënjej, ka qenë pak e tmerrshme. Të gjithë kanë qenë shumë mbështetës dhe si unë e William ishim të vetëdijshëm se kjo ishte diçka për të cilën të gjithë ishin të entuziazmuar dhe ne i jemi shumë mirënjohës publikut për mbështetjen. Dhe në fakt mendoja se ishte shumë e rëndësishme të ndanim lumturinë me publikun.  Por nga ana tjetër ne kishim në krahë një fëmijë të sapolindur, ishim prindër pa eksperiencë dhe nuk ishim të sigurt për atë që po ndodhte, kështu që kishte një përzierje ndjenjash”, ka thënë Kate Middleton.

 

 

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet