Kapen me 60 kg hashash, në pranga shqiptari dhe e dashura greke

Publikuar më 12. 02. 2018 nga Eno Shkëmbi

Një sasi prej 60 kg hashash është sekuestruar gjatë ditës së sotme nga policia greke.

“Protothema” shkruan se lënda narkotike ishte e ndarë në 50 pako në çanta udhëtimi, ndërsa pesha totale e lëndës narkotike të papërpunuar, është 61 kg dhe 790 gram si dhe  një revolver dhe 21 fishekë.

Në automjetin e bllokuar ishin dy persona, një 31 vjeçar shqiptar, shofer i mjetit dhe e dashura e tij greke, 31 vjeçe, të cilët u arrestuan dhe u dërguan në Prokurorinë e Kosturit.

Trafiku i drogës nga kufiri i gjelbër vijon të jetë një problem tejet shqetësues për policinë helene.