Kaçe e nis si titullar te Panathinaikos, vlerësohet nga media greke

Publikuar më 03. 02. 2018 nga Eno Shkëmbi

Panathinaikos u ndal në një barazim pa gola në përballjen ndaj Panetolikosit.

Por vlen për t’u theksuar fakti që lojtari i kombëtares shqiptare Ergys Kaçe luajti si titullar nga minuta e parë deri në të fundit.

Trajneri Marinos Ouzounidis i besoi shqiptarit, i cili bëri një paraqitje të mirë me fanellën numër 5, duke marrë vlerësime nga mediat greke.

Ergys Kaçe u largua nga PAOK-u në huazim, me synimin për të gjetur sa më shumë hapësira, për të ruajtur vendin në kombëtaren e Panuçit.