Ja si t’i humbisni kilogramët e tepërt me dietën Mesdhetare

Pohimi se popullsitë e vendeve mesdhetare jetojnë më gjatë dhe janë më të shëndetshëm se ata të vende të tjera, mesa duket po gjen një përgjigje.

Çelësi i jetesës së mirë mund të jetë pikërisht stili i të ngrënit dhe ajo që quhet Dieta Mesdhetare.

Kjo dietë është një ndër trashëgimitë dhe pasuritë më të vlefshme të kulinarisë botërore.

Që prej vitit 2010 mënyra mesdhetare e të ngrënurit dhe të gatuarit mbrohet edhe nga UNESCO, si pasuri me vlera të jashtëzakonshme e të veçanta.

Ndër vlerat më të mira që dhuron kjo dietë mund të rendisim vitaminat, yndyrnat e mira apo mineralet që përmban.

Është bërë e njohur në të gjithë botën rreth viteve 1950 si një mënyrë e shëndetshme e të shijuarit të ushqimit.

Kjo mrekulli e kulinarisë vjen pikërisht nga zemra e mesdheut dhe kryesisht nga zonat që shtrihen afër brigjeve detare.

Renditja si dieta më e mirë

Në mesin e 41 dietave të ndryshme nga i gjithë globi Dieta Mesdhetare u zgjodh si fituesja e artë.

Kjo renditje u publikua nga revista US News dhe World Report duke e cilësuar pikërisht këtë mënyrë të të ushqyerit si më të mirën.

Konsiderohet si një dietë më shumë pak mish dhe shumë pak yndyrna të këqija.

Duke e bërë kështu të mrekullueshme për shëndetin e mirë të zemrës.

Gjithsesi duke qenë se ka një shtrirje të madhe në vende, shtete dhe territore kjo dietë nuk është unike.

Në vende të ndryshme qofshin këto edhe vende  fqinje mund të gjeni një larmishmëri kombinimesh dhe gatimesh.

Çfarë përmban Dieta Mesdhetare

Në shumë rekomandimeve të mjekëve dieta e mesdheut qëndron e para në listë për shkak të vlerave shëndetësore që mbart.

Jo vetëm si një shportë vlerash, kjo mënyrë e të ushqyerit ndihmon edhe në rënien në peshë në mënyrë të shëndetshme.

Përveçse shumë vlerave është edhe shumë e lehtë për t’u ndjekur pasi ka për bazë ushqimet tradicionale.

Ushqimet kryesore për këtë dietë janë drithërat, frutat, perimesht, bishtajorët, barishte jeshile, arrorë, erëza apo vaj ulliri.

Dy herë në javë këshillohet konsumimi i mishit ose i peshkut në mënyrë që të mbani nën kontroll kolesterolin.

Mundohuni të moderoni sasinë e bulmetrave, vezëve apo mishit të pulës duke i shërbyer me porcione të vogla.

Gjithashtu shumë  e rëndësishme është të evitoni sa më shumë të jetë  e mundur ëmbëlsirat, sheqerin apo mishin e kuq.

Bëjeni këtë regjim tuajin duke u mbështetur tek konsumimi i shumë perimeve, frutave apo drithrave.

Në këtë mënyrë do të përfitoni të gjitha vlerat e kësaj diete të artë./AgroWeb.org

 

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet