Ja si duket Fushë-Kruja dhe Novosela pas përmbytjeve masive (FOTO)

Publikuar më 05. 12. 2017 nga Xhentila Gjoshi

Përmbytjet masive që përfshinë vendin tonë gjatë ditëve të fundit, kryesisht pjesën Jugore dhe Qendrore të vendit, janë pasqyruar edhe nga Qendra për Bashkërendimin e Reagimit të Emergjencave (ERÇ). Kjo e fundit ka monitoruar nga afër situatën dhe është në kontakt të përhershëm me autoritetet shqiptare të Mbrojtjes Civile.
Në imazhet satelitore të pasqyruara edhe nga Instituti i Gjeoshkencave, tregohet edhe harta e zonave të përmbytura. Mes tyre edhe dy nga zonat më të prekura si Fushë-Kruja e Novosela e Vlorës. Territori i tyre ngjan me një liqen të madh i parë nga lart.
Sakaq, Instituti i Gjeoshkencave bën të ditur se sot pasdite, në përgjithësi nuk priten reshje, përjashtuar ndonjë reshje të izoluar dhe të dobët, më e mundshme në qarkun e Kukësit (me kohëzgjatje të shkurtër).