“Ik lart se atje kemi punë”, Meta: Rama me Bashën si unë me “doktorin”

Publikuar më 19. 05. 2017 nga Eno Shkëmbi

Gjatë intervistës së mbrëmjes së sotme në emisionin “Zonë e Lirë” ish-kreu i LSI-së Ilir Meta komentoi skenën e krijuar mes kryeministrit Rama dhe liderit të opozitës Basha, pak para nisjes së negociatave për marrëveshjen.

Rama u ndal për një moment pas shpinës së Bashës dhe më pas i kërkoi këtij të fundit të futej sepse ai tashmë kishte ardhur. Kreu i opozitës Basha iu përgjigj me një batutë të shkurtër: “Ik lart se atje kemi punë”.

Duke folur mbi skenën në fjalë Meta tha: “Kjo është siç më ndodhi mua me doktorin. Pa takuar isha gati për luftë. Që kur e takova pastaj ndryshova se pashë dikë tjetër. Kur e njeh nga afër është më ndryshe dhe kjo është gjë e mirë se nga larg e paragjykon”, tha Meta.

“Vjehrra ime kur bëmë koalicion me PD atëherë e kishte tmerr doktorin pastaj thoshte ore s’qenka aq i keq ky, qenka i mirë”, vijoi Meta. /E.SH/