I dënuar me 12 vite burg në Itali për drogë, kapet në Rinas

Policia Kufitare e Rinasit ka vënë në pranga një 40-vjeçar me qëllim ekstradimin në Itali. Ndërkohë, duke iu referuar burimeve zyrtare të Policisë së Shtetit, bëhet me dije se në pranga ka rënë 40-vjeçari Domi Vuksani alias Nikel Vuksani, i cili kishte ndërruar gjeneralitet me qëllim shmangien e dënimit në Itali.

Njoftimi i plotë:

Policia Kufitare e Rinasit në bashkëpunim me Interpol Tirana, arreston në Rinas një shtetas të shpallur në kërkim ndërkombëtar për veprat penale “Organizatë kriminale” dhe “Trafik i lëndëve narkotike”.

Arrestohet në hyrje për në Shqipëri 40-vjeçari, i dënuar nga drejtësia italiane me 12 vjet burg.

Shërbimet e Komisariati të Policisë Kufitare Rinas në bashkëpunim me Interpol Tirana, pas verifikimeve të imtësishme të bërë në sistem të të dhënave të 40-vjeçarit, i cili kishte ndërruar gjeneralietet me qëllim shmangien e dënimit në Itali, kanë bërë arrestimin provizor me qëllim ekstradimi në Itali të shtetasit shqiptar Domi Vuksani alias Nikel Vuksani, 40 vjeç, lindur në Shkodër.

Shtetasi Domi Vuksani ishte i shpallur në kërkim ndërkombëtar nga Interpol Roma në vitin 2014, pasi Gjykata e Firences/Itali e ka dënuar me 12 vjet burg për veprat penale “Organizatë kriminale” dhe “Trafik i lëndëve narkotike”.

Leave a Reply

Your email address will not be published. Required fields are marked *

Të tjera

Abissnet