Hysaj mes më të shtrenjtëve te Napoli, ja sa vlen mbrojtësi i kombëtares

Publikuar më 29. 11. 2017 nga Eno Shkëmbi

Skuadra e Napolit kryeson me meritë kampionatin italian, edhe pse në organikën e saj nuk janë futbollistët më të shtrenjtë në Serinë A.

Në prag të përballjes me Juventusin në “San Paolo” Corriere Dello Sport ka bërë një përllogaritje të vlerës që 26 lojtarëve të Napolit, që shkon në total 497 milionë euro. Në fakt, më shumë se ¾ e kësaj shifre vlerësohen vetëm 7 elementët kryesorë, ku përfshihet edhe mbrojtësi i Kombëtares Shqiptare, Elseid Hysaj.

Kartoni i 23-vjeçarit vlerësohet 25 milionë euro, aq sa i Jorginhos. Më të shtrenjtë se shkodrani janë Dries Mertens (28 milionë euro), Faouzi Ghoulam (30 milionë euro), Arkadiusz Milik (33 milionë euro), Marek Hamsik (40 milionë euro), Kalidou Koulibaly (54 milionë euro) dhe në majë qëndron Lorenzo Insigne, që kushton 100 milionë euro. Më pak i vlefshëm konsiderohet Christian Maggio me vetëm 1 milion euro, raporton “Supersport.al”.