Humbi në Greqi, gjendet në Shqipëri 14-vjeçarja greke

Një 14-vjeçare greke, në kërkim nga autoritetet pasi kishte humbur pak ditë më parë është gjetur në Shqipëri. Vajza kishte humbur që nga e enjtja, data 5 dhjetor.

Lajmin e kanë bërë të ditur mediat greke sipas të cilave, 14-vjeçarja nga Kallithea ka arritur të kalonte kufirin në drejtim të shtetit shqiptar, pavarësisht se fëmijët nën moshën 18 vjeç nuk lejohet të kalojnë pa autorizimin e prindërve.

14-vjeçarja, Maria D., u zbulua përfundimisht në Shqipëri të shtunën, shkruajnë mediat e vendit helen, sipas të cilëve gjetja e saj u bë e ditur nga organizata “Buzëqeshja e fëmijës”.

Kjo organizatë ngre pikëpyetje serioze mbi mënyrën se si ka arritur të kalojë në pikat e kalimit kufitar.

Organizata thekson se nuk është hera e parë që fëmijë të mitur arrijnë të kalojë kufirin pa u vënë re nga autoritetet kompetente.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Të tjera

Abissnet