Horror në Librazhd, xhaxhai var në pemë nipin 4 vjeç dhe poston foton në FB

Nga Nikoleta Kovaçi

Policia nis procedimin për Fatri Methasën. Si abuzohet me të miturin deri në kufijtë e shtazarakes. Kushëriri i dhunuesit denoncon publikisht aktin e padëgjuar më parë

Një ngjarje e rëndë është shënuar në Librazhd. Madje është në kufijtë e të paperceptueshmes. Prej më shumë se 24 orësh qarkullon në internet pamja e një fëmije të varur në një pemë. Fëmija që qan dhe që është i trembur, pasi është të paktën gjysmë metri mbi tokë, i vënë në degën e një peme, degë në të cilën është futur fanella e vjetër e djalit vetëm 4 vjeç që rri në ajër dhe kthen shikimin nga personi që po e fotografonte. Pamja horror është shpërndarë nga një kushëri i autorit të kësaj ngjarjeje të padëgjuar më parë, pasi ai është në dijeni të gjithë dhunës barbare që ushtrohet mbi atë fëmijë katër vjeç. Kushëriri i tyre ka bërë publike jo vetëm foton, por edhe autorin e kësaj dhune; ai quhet Fatri Methasa dhe është xhaxhai i djalit M.B!

Të dhënat e para tregojnë se fëmija dhunohet thuajse sistematikisht nga ky person, ndërsa skandali thellohet kur hyn në profilin e tij në Facebook dhe shikon se si vetë xhaxhai dhunues e ka hedhur si foto djalin të varur në pemë. Madje ai shpjegon edhe arsyen se përse e kishte kryer atë veprim monstruoz. Nuk dihet se si është historia e asaj familjeje por denoncuesit e skandalit kanë treguar se dhunuesi që nga divorci që ka bërë me bashkëshorten e tij, që me sa duket ajo i ka rrëmbyer edhe fëmijën ka nisur torturimin e djalit të vëllait të tij. Policia bën me dije se shpejt do të merren masat e duhura në lidhje me atë rast të pahasur më parë!

Denoncimi i kushëririt të dhunuesit  

Fëmija me inicialet B. M., nga një fshat Dragostunjë të Librazhdit është vetëm 4 vjeç dhe dhunohet në mënyrë barbare nga prindërit dhe xhaxhai i tij 29-vjeçari, Fatri Methasa. Denoncimi është bërë publik nga një i afërm i të miturit, i cili ka qenë prezent në shumë raste dhunimesh. Sipas denoncuesit, gabimet e 4-vjeçarit ndëshkohen në mënyrë kafshërore sidomos nga xhaxhai, i cili momentalisht po kalon dhe një gjendje të rëndë psikologjike për shkak të divorcit.

Gjithë fshati është në dijeni të abuzimeve me fëmijën, pasi të qarat dhe të bërtiturat e tij dëgjohen deri larg, megjithatë askush nuk ndërhyn. Në Facebook-un e tij me profil të rremë (Fati Librazhd), 29-vjeçari ka arritur deri aty sa ka postuar një foto ku tregohet fëmija i varur pas një gabimi të supozuar. “Ja çfarë bën Babaloku, ato që bëjnë faj Babaloku i dënon me varje” shkruan personi që ka kryer edhe aktin e rëndë.

Por më drithërues është komenti i tij poshtë fotos kur shprehet se: “Xhaxhai e vari qenin se ia kishte sjellë në majë të hundës” ndërkohë që si duket ai fëmijë shpesh herë është viktimë e dhunës dhe e barbarisë së familjes së tij.

Policia

Referuar të dhënave që vijnë nga policia e shtetit bëhet me dije se tashmë çështja është referuar dhe se me të po merren ekspertët e posaçëm policor. Është ndërhyrë në profilin e personit dhe se janë marrë të gjitha të dhënat e tij e kanë nisur hetimet dhe verifikimet. Policia saktëson se brenda pak orësh do të mësohen hollësitë e ngjarjes dhe do të vendoset edhe për fatin e fëmijës, pasi rasti i këtij djali vetëm katër vjeç është përsëritur pak ditë më parë në Durrës ku policia u desh të ndërhynte dhe të merrte dy fëmijët e një çifti që ushtronin dhunë sistematike mbi ta. Burimet policore treguan se do të merren në pyetje edhe autoritetet lokale, familjarët e shumtë të të miturit dhe do të nisë procedimi për aktin horror!

Të tjera

Tradhtia e patriotizmit

Nga Koço Kokëdhima Në të njëjtën ditë që Rama përmbysi shqiponjën “korb” në hyrje të Tiranës, Macron në Paris fliste…

Abissnet