Greqia: Jemi pranë luftës me Turqinë

Ministri grek i Mbrojtjes Panos Kamenos ka dhënë intervistë për një media franceze, e cila quhet “Liberation”. Ai ka dhënë alarmin se Greqia ndodhet shumë pranë luftës me Turqinë. Kamenos tha se tensioni mes Athinës dhe Ankarasë është një “agresion” i shtetit turk. “Ne jemi të detyruar të mbrojmë territorin tonë, që nuk është territor vetëm i Greqisë, por është territor i Bashkimit Europian”, tha ai.

U duk sikur vizita historike e Erdogan në Athinë më 7 dhjetor të vitit të kaluar hapi një kapitull të ri në marrëdhëniet mes dy vendeve, por jo. Pak javë pas kësaj vizite, tensionet u ndezën edhe më fort, për të kulmuar me disa përplasje të anijeve ushtarake në Egje dhe rastin e dy ushtarëve grekë që mbahen të burgosur nga Turqia, shkruan Top Channel. Ushtarët u kapën nga Turqia në territorin e saj. Greqia thotë se e kaluan kufirin gabimisht, ndërsa ministri i Jashtëm turk deklaroi për të përjavshmen gjermane “Die Zeit” se drejtësia turke po mundohet të kuptojë nëse ushtarët grekë e kaluan kufirin aksidentalisht apo qëllimisht.

 

Të tjera

Abissnet