×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Fluks në urgjencën e infektivit, Kalo: Nuk e përballojmë dot

Dyndje vizitash në pavijonin e Infektivit në QSUT. Mjeku infeksionist Tritan Kalo: Mungon koordinimi, nuk përballojmë situatat që shoqërohen me konflikte dhe debate. Duhet të evitohen incidentet

Enida Vërça

Mjeku infeksionit Tritan Kalo në një konferencë për mediat tregon situatën në të cilën ndodhet urgjenca e Spitalit “Nën Tereza”. Ai bën me dije se ka pasur një dyfishim të numrit të pacienteve krahasuar me një vit më parë, duke bërë që në shumë raste të jetë e pamundur për t’u përballuar nga ky staf mjekësor. Kalo thotë se pacientët nuk duhet të drejtohen direkt e në urgjencë, por të informohen për të shmangur radhë si dhe acarimin e marrëdhënieve mes tyre dhe stafit i cili i shërben. “Mbingarkesa sjell acarim të marrëdhënieve pacient-personel. Pjesa më e madhe është se të gjithë adresohen në QSUT pa kaluar në një vizitë tek mjeku i familjes, duke shmangur për të dhënë ndihëm atyre që kanë vërtetë urgjenca. Duhet të bëjmë kujdes. Në qendrat e urgjencës duhet të vijnë vetëm ata që nuk mund të merren përsipër nga këto qendra. Një fluks i tillë kërkon dy-trefishin e këtij stafi që kemi ne. Askush nuk pret. Duhet të evitohen incidentet. Fluksi krijon mundësinë e incidenteve. Ky shqetësim është akoma më i madh te pediatria e fëmijëve”, tha Kalo në këtë konferencë për mediat ditën e djeshme.

Mungesa e shtretërve

Një tjetër shqetësim të cilin ngriti mjeku infeksionit ishte edhe mos përballimi i pacienteve për shkak të mungesës së kapaciteteve , si pasojë e disa mungesave. “Problemi kryesor është shfrytëzimi tej kapaciteteve të spitalit, i shtretërve që kemi, pavarësisht zgjerimit”, tha ai. Referuar edhe raportit të fundit nga Eurostat, Shqipëria renditet ndër vendet me numër të ulët shtretërish spitalorë në raport me popullsinë. Sipas të dhënave që ka publikuar Instituti i Statistikave pak ditë më parë, përllogaritet se ka 3 shtretër në dispozicion për 1000 banorë, duke u renditur kështu e shtata për nga numri i ulët në Evropë. E gjithë kjo situatë, duket se reflektohet në çdo pavijon, qoftë në Qendrën Spitalore “Nënë Tereza”, po ashtu edhe në spitalet e tjera publike në rrethe, ku gjendja është edhe më kritike.

Personeli

Në këtë konferencë për mediat, mjeku infeksionit Tritan Kalo u ndal edhe te personeli mjekësor dhe mjekët ndihmës. Ai tha se pavarësisht dëshirës së mirë për t’u shërbyer pacientëve, numri i lartë i tyre e bën të pamundur përballimin e tyre. Bëhen mesatarisht 200 vizita çdo ditë, duke bërë që mjekët të mos përballojnë dot fluksin, kjo vjen edhe si pasojë e mungesës së stafit mjekësor pranë këtij spitali. “Kemi një shtim të tejskajshëm fluksit të urgjencave në spitalin infektiv. Vetëm në 6-7 ditë ka pasur një fluks ardhjesh prej 200 personash. Një mesatare dy herë më e lartë se viti që kaloi dhe problemi kryesor është shfrytëzimi tej kapaciteteve i spitalit dhe i shtretërve që kemi por dhe personelit mjek, ndihmës dhe infermierë”, tha Kalo. Referuar të dhënave të fundit nga viti 2013 deri në vitin 2018 janë larguar nga vendi 875 mjekë. Vala e emigracionit të personelit shëndetësor, që ka prekur prej vitesh Shqipërinë, rrezikon të përforcohet edhe më tej, për shkak se spitalet gjermane kanë rritur stimujt për tërheqjen e mjekëve dhe infermierëve nga Shqipëria. Vetëm gjatë vitit 2018 janë larguar nga vendi kryesisht drejt Gjermanisë rreth 2 mijë infermierë. Sipas të dhënave nga numri i certifikatave të kërkuara pranë Urdhrit të Mjekut, në vitin 2018 janë larguar 164 mjekë dhe janë diplomuar mbi 250 nga Fakulteti i Mjekësisë. Nga të dhënat shihet se janë larguar tre gjenerata mjekësh. Largimet u bënë më të dukshme pas vitit 2014, ku ikjet e mjekëve specialistë ishin më shumë se 150 në vit mesatarisht.

Vizitat rekord

Numri i të shtruarve në spitale arriti rekord në 2018, ku u shtruan gjithsej 279 mijë persona në spitalet publike, sipas të dhënave të publikuara nga INSTAT në treguesit e shëndetit publik. Ky është niveli më i lartë i të shtruarve që raportohet që nga 2014-a, kur INSTAT publikon shifrat. Në raport me një vit më parë, numri i të shtruarve në spitale u rrit me 2.2%. në të njëjtën linjë është rritur dhe ditë qëndrimi në spital nga 5.4 në 5.5 ditë. Sipas INSTAT, Në vitin 2018, numri i vizitave gjithsej në shërbimin parësor është 8.219.771, mesatarisht 3 kontakte për person në vit. Ky numër shënon një rritje prej 3,5 % krahasuar me numrin e vizitave gjatë vitit 2017. Ditët mesatare të qëndrimit të një pacienti në spital janë 5,5 ditë gjatë vitit 2018, nga 5,4 ditë që ishin në vitin 2017. Ndërhyrjet kirurgjikale në spitalet publike gjatë vitit 2018 janë 64.929 duke shënuar një rritje prej 13,0 %, krahasuar me vitin 2017.

Virozat e stinës shtojnë fluksin në spitalin e Lezhës

Virozat e stinës dhe problemet që shkaktohen nga temperaturat e larta ka bërë që edhe spitali i Lezhës të përballet me fluks pacientësh sidomos gjatë muajve të verës. Sipas Mjekut pediatër Bardhok Gjoka urgjenca e fëmijëve ka përballuar një fluks deri në 100 vizita në ditë me vetëm 12 shtretër. “Situata gjatë periudhës gusht në pediatrinë e spitalit rajonal Lezhë ka qenë shumë e ngarkuar. Mesatarisht janë bërë 60-70 vizita por numri ka shkuar edhe në 100 vizita. Përgjithësisht temperaturat e larta, shtimi i popullatës nga ardhja e emigrantëve por edhe shtimi i turistëve në plazhet e Tales dhe Shëngjinit ka bërë që fluksi të rritet”, shprehet mjeku. Me fluks të lartë pacientësh është përballur edhe urgjenca. Mjeku infeksionit Martin Marku thekson se duhet të shtohen shtretërit, pasi në krahasim me numrin e lartë të qytetarëve që kërkojnë shërbim, kapaciteti i tyre është shumë i ulët dhe kjo ka bërë që situata të përballohet me vështirësi. Me kapacitetin që ka urgjenca e Lezhës mund ta them me bindje të plotë se është tejmbushur. Duhet të ketë një kapacitet më të lartë shtretërish dhe duhet të bëhet një rimodelim i urgjencës në spitalin e Lezhës sidomos në periudhën e Lezhës është e tejmbushur. Mjekët roje janë tepër të stresuar pasi e kanë tepër të vështirë përballjen me fluksin e njerëzve pasi nuk kanë ku ti vendosin”, thotë mjeku.

Çerdhet e kopshtet, asnjë fëmijë nuk pranohet pa vaksinën e fruthit

Situata e fruthit në Shqipëri duket të jetë përmirësuar ndjeshëm krahasuar me fillimin e këtij viti ku u shënuan qindra fëmijë të prekur. Por ekspertë të Institutit të Shëndetit publik shprehin shqetësim me uljen e mbulesës vaksinale kryesisht në Tiranë pasi shumë prindër të cilët refuzojnë vaksinimin e fëmijës pa marrë në konsideratë riskun që merr përsipër nëse fëmija preket nga fruthi që në mos humbje jete, i shkakton verbëri apo shurdhëri. “Kaq qytete që kemi, 0 raste. Është reduktuar numri në mënyrë drastike, por duhet rritur mbulesa vaksinale në Tiranë”, thotë Silva Bino. Për të rritur mbulesën vaksinale , autoritetet shëndetësore deklarojnë se do të jetë strikt me drejtuesit e shkollave, kopshteve dhe çerdheve të cilët nuk duhet të pranojnë asnjë fëmijë nëse nuk kanë dorëzuar kartelën e vaksinave . “Asnjë fëmijë nuk do të pranohet këtë vit nëse nuk bën të gjithë kalendarin e vaksinimit pasi jo vetëm mbron veten, por edhe fëmijët të cilët për arsye shëndetësore nuk mund ta bëjnë vaksinën’, thotë Bino. Bino shpjegon se ky proces do të monitorohet në mënyrë rigoroze dhe për drejtuesit që shkelin ligjin do të ndëshkohen me gjobë. Shefja e departamentit të sëmundjeve infektive u tërheq vëmendjen edhe institucioneve private të cilët sipas saj një vit më parë nuk e kanë respektuar këtë ligj.

 

 

 

 

 

 

 

Nis shpërndarja e teksteve shkollore për vitin e ri mësimor

Shpërndarja e librave për sezonin e ri shkollor ka filluar ditën e djeshme dhe mbyllet disa ditë para fillimit të shkollës. Vitin e kaluar rreth 125 mijë nxënës nga klasat e para deri në klasat e katërta kanë përfituar libra falas, për vitin e ri shkollor 2019-2020 numri i përfituesve është rritur në 155 mijë, dhe janë shtuar edhe nxënësit e klasave të pesta. Në prag të fillimit të vitit të ri shkollor dhe me anë të një video-mesazhi të publikuar në profilin e saj, Ministrja e Arsimit, Sportit dhe Rinisë, Besa Shahini ka njoftuar mbi nisjen e shpërndarjes së librave falas për nxënësit nga klasa e parë deri në të pestën. “Duke filluar nga sot, data 2 Shtator, ju mund të shkoni pranë shkollave tuaja dhe të merrni pakot e librave falas. Vetëm tekstet e klasës së parë do të jenë krejtësisht të reja, ndërsa klasat e tjera do të marrin tekstet e përdorura një vit më parë. Nga eksperienca e këtij viti duket se rikthimi i librave në bibliotekat e shkollave për ripërdorim ka rezultuar efektiv për 80% të teksteve”, shkruan Shahini. Sipas ministres Shahini, nisma është filluar që vjet dhe janë shpenzuar 600 milion lekë për të blerë librat për të gjithë nxënësit e klasave 1 deri 4, si dhe nxënësit e tjerë të kategorive të veçanta me asistencë sociale, nevoja të veçanta apo minoritarë, të cilët përfitojnë librat falas. “Sivjet, ngaqë kemi ruajtur shumë mirë librat nga viti i kaluar, kemi patur mundësinë të përfshijmë edhe klasën e 5-të plotësisht në nismën e librave falas. Kështu që, ju mirëpresim nëpër shkolla dhe shumë suksese për vitin e ri shkollor!”, shkruan ministrja e Arsimit.

 

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Ju duket i drejtë vendimi i qeverisë që e cilëson vrasjen e Klodian Rashës si aksidentale dhe i jep 8 pensione sociale familjes?

Loading ... Loading ...

Studimi për koronavirusin: Pasojat ndjehen edhe pas një viti

Studimi për koronavirusin: Pasojat ndjehen edhe pas një viti

Publikuar më 13.01.2021
Dhimbje muskujsh, lodhje, probleme psikike: Sipas një studim...

Dhimbje muskujsh, lodhje, probleme psikike: Sipas një studimi afatgjatë nga Kina, dy e treta e të sëmurëve rëndë me COVID-19 vuajnë edhe gjashtë muaj pas infektimit pasojat e sëmundjes. Një studim i ri provon, se edhe ata që e kanë kaluar infeksionin dhe zyrtarisht janë të shëruar, shpesh vetëm të tillë nuk janë: të shëndetshëm. […]

Lexo më shumë

Thirrja e dëshpëruar e një prindi për Fondin: Të rimbursohet ilaçi për fëmijët me hepatit C, është jetik

Thirrja e dëshpëruar e një prindi për Fondin: Të rimbursohet ilaçi për fëmijët me hepatit C, është jetik

Publikuar më 07.01.2021
Të jesh prind i një fëmijë me sëmundjen e Hepatitit C kronik...

Të jesh prind i një fëmijë me sëmundjen e Hepatitit C kronik nuk është e lehtë. Nuk është e lehtë kur kura nuk ka dhënë asnjë rezultat për t’u shëruar. Në një intervistë për gazetën “Shëndet plus” prindi Ermir Gjergji tregon më shumë rreth situatës në të cilën ndodhet dhe kërkesën që ka për FSDKSH-n. […]

Lexo më shumë

Çfarë dihet për variantin e ri të koronavirusit?

Çfarë dihet për variantin e ri të koronavirusit?

Publikuar më 31.12.2020
Varanti i ri ka zgjuar shqetësim dhe shumë pikëpyetje. A për...

Varanti i ri ka zgjuar shqetësim dhe shumë pikëpyetje. A përhapet më lehtë? A shkakton sëmundje më të rëndë? Si reagon ndaj vaksinës dhe terapive mjekësore? Pyetjet po shtohen po aq shpejt sa vetë variantet e reja të koronavirusit, sidomos varianti i shfaqur për herë të parë në Britani dhe që tani është identifikuar në […]

Lexo më shumë

Denoncimi/ Pacientët me sëmundje të rënda të gjakut: Mungon kimiopreparati i shtrenjtë, vështirësi edhe për analizat

Denoncimi/ Pacientët me sëmundje të rënda të gjakut: Mungon kimiopreparati i shtrenjtë, vështirësi edhe për analizat

Publikuar më 21.12.2020
Covid-19 është një nga kërcënimet më të mëdha për shëndetin ...

Covid-19 është një nga kërcënimet më të mëdha për shëndetin e qytetarëve, ndaj e gjithë vëmendja e sistemit shëndetësor aktualisht është e përqendruar në menaxhimin e kësaj krize. Por, ajo çfarë është paralajmëruar disa herë edhe nga gazeta “Shëndet Plus” është nevoja për të garantuar shërbim shëndetësor edhe për të sëmurët e tjerë që vazhdojnë […]

Lexo më shumë

COVID-19 shkakton çrregullime në shëndetin mendor, specialistët: Shtohen tentativat për vetëvrasje

COVID-19 shkakton çrregullime në shëndetin mendor, specialistët: Shtohen tentativat për vetëvrasje

Publikuar më 20.12.2020
Ndryshimet drastike në jetë si pasojë e COVID-19, tek shumë ...

Ndryshimet drastike në jetë si pasojë e COVID-19, tek shumë njerëz po mabifestohen me çrregullime të shëndetit mendor. Dy specialiste në këtë fushë të mjekësisë që jetojnë dhe punojnë në qytetin e Nju Jorkut thonë se fëmijët dhe adoleshentët janë kategoritë që paguajnë çmimin më të shtrenjtë emocional në këtë pandemi. Me psikiatren e fëmijëve […]

Lexo më shumë

A depërtojnë grimca gjenetike të virusit në ADN-në e njeriut?

A depërtojnë grimca gjenetike të virusit në ADN-në e njeriut?

Publikuar më 20.12.2020
Tek disa njerëz testet e virusit Corona tregojnë rezultat po...

Tek disa njerëz testet e virusit Corona tregojnë rezultat pozitiv, megjithëse infektimi ka muaj që ka kaluar. Studiuesit besojnë se kanë gjetur një përgjigje për këtë. Një shpjegim i mundur për shfaqjen e virusit në testet PCR edhe pasi infektimi me Corona ka kohë që ka kaluar vjen nga studiuesit amerikanë. Sipas agjencisë së lajmeve, […]

Lexo më shumë

Pacientët e prekur nga COVID-19 po vuajnë pasojat edhe pas disa muajsh

Pacientët e prekur nga COVID-19 po vuajnë pasojat edhe pas disa muajsh

Publikuar më 05.12.2020
Ndërsa pandemia po mbush vitin, doktorët janë duke monitorua...

Ndërsa pandemia po mbush vitin, doktorët janë duke monitoruar pacientët e COVID-it që ende vuajnë pasojat e sëmundjes. Ata vazhdojnë të përjetojnë simptoma megjithëse kanë kaluar muaj pasi kaluan efektet e menjëhershme të virusit. Michael Reagan u infektua me COVID-19 në fillimet e pranverës. Deri nga maji mendoi se më e keqja kishte kaluar. Por […]

Lexo më shumë

Humbja e ekuilibrit dhe rënia e flokëve, këto janë disa nga efektet shëndetësore afatgjata të Covid-19

Humbja e ekuilibrit dhe rënia e flokëve, këto janë disa nga efektet shëndetësore afatgjata të Covid-19

Publikuar më 29.11.2020
Personat e intubuar e të shtruar në spital për javë të tëra ...

Personat e intubuar e të shtruar në spital për javë të tëra pa lëvizur, ngrënë apo folur siç duhet vazhdojnë ende t’i ndjejnë pasojat e koronavirusit. Disa nga efektet afatgjata të koronavirusit janë lodhja, gulçimi, dhimbja e muskujve, e kokës, ekuilibri i dobët dhe humbja e kujtesës. Shumë njerëz me simptoma serioze të Covid-19-s po […]

Lexo më shumë