×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Fituesi i “Krim mjedisor”- politikanëve: Artisti s’mund të lidhet me zinxhir!

Nga Valeria Dedaj

Veprat e konkursit “Krim mjedisor” ekspozohen në FAB. Silver Balla është fituesi i çmimit të parë, me “Ndërveprim i fraktuar”. Artisti u bën thirrje politikanëve, që të mbështesnin artin, duke mos u imponuar zgjedhje artistëve

Një betoniere, brenda së cilës ka lule në vend të materialeve ndërtimore, gjendet në hyrje të galerisë së Fakultetit të Arteve Pamore. Ndërsa, vet ideatorët e ekspozitës “Krim mjedisor” kanë zgjedhur, që çeljen e saj ta bëjnë me megafon në shenjë proteste ndaj çdo krimi, që bëhet ndaj mjedisit.

Dekani i Fakultetit të Arteve Pamore, Ardian Isufi, e konsideron këtë veprim të realizuar nëpërmjet formës artistike, një protestë sensibilizuese. “Kjo është një ekspozitë me nuanca politike, shoqërore edhe sociale. Është një kontribut shumë i vyer, që vjen nga artistët e rinj për të komunikuar me publikun”.

Kryetari i Prezencës së OSBE-së në Shqipëri, ambasadori Bernd Borchardt, shprehet se: “Nuk është shumë e këndshme, të zgjohesh një mëngjes me betoniere në dritare”. Ndërsa, duket sikur në Shqipëri janë pajtuar të gjithë me këtë realitet, studentët me artin e tyre bëjnë thirrje për sensibilizim. Artistët r rinj me artin e tyre dëshirojnë që t’i flasin jo vetëm shoqërisë, por edhe vendimmarrësve, politikanëve. Një nga artistet e reja ka zgjedhur të tregojë se si rriten me pesticide pa asnjë kriter ushqimet që hanë shqiptarët. Janë pesticide, që përditë vrasin në heshtje.

Pjesë e ekspozitës janë edhe vepra të tjera, që të rinjtë kanë realizuar për konkursin e finalizuar në ekspozitën “Krim mjedisor”.

Egi Pipero vjen me instilacionin “Udhëtim në qendër të tokës”, Suela Qemali me “Pa titull”, e cila ka realizuar një vepër me lule shumëngjyrëshe, krah së cilës ka shënuar edhe thënien e Albert Ajnshtajnit, “Shikoni thellë në natyrë edhe atëherë do të kuptoni më mirë”. Kristina Dervishi sjell “Gjergjefin”, që vajzat shqiptare e përdorin për të qëndisur ëndrrat dhe dëshirat e tyre, ndërsa në këtë rast artistja e re e përdorë për të qëndisur natyrën.

Silver Balla, student i vitit të dytë në degën e skulpturë-qeramikës përzgjidhet fitues i konkursit të organizuar nga OSBE. Vepra e tij, “Ndërveprim i fraktuar”, prezanton atë çka ndodh pasi njeriu vendosë dorë në natyrë. Në një rrëfim për “Shekulli”-n, Silver tregon se si ka lindur kjo vepër, por dhe sesa premtues është mjedisi kulturor për të rinjtë në Shqipëri. Ndonëse, studimet në bachelor është duke i përfunduar, kur e pyet se si e mendon të ardhmen e tij, thotë: “E ardhmja ime është një enigmë”.

Silver, si ndihesh pas çmimit që fitove në konkursin “Krim mjedisor”?

Konkurrova për herë të parë edhe jam fitues i këtij konkursi. Ndihem mirë, sepse kjo është një nismë që të sensibilizojmë njerëzit përreth nesh, që të mbrojnë mjedisin edhe të jenë më të kujdesshëm ndaj veprimeve kundrejt tij. Ndryshimet në mjedis vijnë pikërisht nga veprimet tona.

Vepra jote është një skulpturë-instalacion “Ndërveprim i fraktuar” në dru dhe metal. Çfarë mund të na thuash më tepër për realizimin e saj?

Fillimisht angazhimi im lidhur me temën e mjedisit ka nisur në një organizatë, në të cilën kam bërë trajnime në shkollën 9-vjeçare deri në të mesmen.

Ndërsa, kjo punë vjen si rezultat i një mundi të thellë, e kam mbajtur në duar rreth 5 muaj para se ta ekspozoja. Ka të bëjë më shumë me ndotjen e ujërave, mbetjet toksike, helmet dhe pesticidet ndikojnë, që kafshët të lindin me anomali. Ky është një shkatërrim që i ndodh natyrës, për shkak se ne jemi të pandjeshëm ndaj asaj, që ndodh realisht.

I je referuar një situate konkrete në Shqipëri?

Ky është një produkt i fantazisë, por edhe i ngjarjeve, që ne kemi hasur në mjedis. Në Shqipëri nuk është se janë bërë kërkime për këto situata, por edhe ekzistojnë. Prandaj, është një temë që nuk prek vetëm Shqipërinë, por edhe vendet e tjera.

A ke një mesazh, që ke dëshirë të përcjellësh nëpërmjet saj?

Mesazhi që do të përcillja është që të tregohemi më të kujdesshëm ndaj gjërave që na rrethojnë, sepse në fund të fundit një ditë pasojat do të bien mbi ne. Në rrethin tim shoqëror mundohem, që t’i sensibilizojë miqtë edhe për mbeturinat e vogla, që hedhin në tokë.

Mendon se institucionet duhet të luajnë më shumë rol në sensibilizimin e shoqërisë për mjedisin?

Ka shumë forma, se si mundet që të sensibilizohet shoqëria jonë, mjafton vetëm që të ketë vullnet për t’i vënë në zbatim ato.

Nëse rikthehesh mbrapa, si ka lindur dëshira jote për t’u marrë me art?

Jam në vit të dytë për skulpturë-qeramikë. Dëshira për skulpturën tek unë ka lindur që herët dhe me mbështetën e prindërve nisa liceun artistik. Sot jam në akademi dhe shumë i kënaqur, pavarësisht se ende nuk e di ende se çfarë do të bëj nesër. Por, ky çmim më motivon mua dhe studentët që janë në akademi. Është shpërblimi i një punë që është bërë për një kohë të gjatë.

Meqenëse jemi tek sensibilizimi. A e keni ndjekur protestën e aktorëve kundër shembjes së Teatrit Kombëtar. Sa jeni sensibilizuar me kauzën e tyre?

Në fakt kam dëgjuar, por nuk jam futur thellë në këtë problem. Në gjykimin tim, mendoj se arti ka nevojë për hapësirë. Nëse arti vendoset nëpër cepa nuk ka mundësi që të zhvillohet. Kërkon hapësirën e vet që të rritet. Kërkon më shumë përkushtim edhe vëmendje, jo vetëm nga ne artistët, por edhe nga politikanët edhe njerëzit e thjeshtë. Arti është një mënyrë sensibilizimi për të gjithë shoqërinë.

Ndikimin e politikës në art si e vlerëson?

Nuk është një gjë e pëlqyeshme, por do të doja shumë, që elita e Shqipërisë apo politikanët të jepnin më shumë, sa i përket sistemit arsor. Duhet që të ndihmohen brezat që vijnë, që të kenë arsim sa më të mirë. Duke pasur një arsim më të mirë, do të kemi dhe një nivel më të mirë intelektual.

Shpreson për sistem arsimor më të mirë, kur politikanët kanë në duar edhe fatin e artistëve më të mirë në vend…

Normale, prandaj po i përfshij edhe ata, pasi mendoj se janë një hallkë e rëndësishme, në kontributin që duhet të japin, duke nisur që nga arsimimi i fëmijëve. Nëse nis gjithçka këtej, çdo gjë do të përmirësohet për mirë.

Mendon se është gjë e mirë që jeta e një artisti të varet nga politika?

Jo! Këtu edhe përfshij edhe veten time, pasi nëse mua do të më imponohen ato që do të bëj, në veprat e mia do të shprehja mërzitje, zemërim, agresion kundrejt tyre. Kjo mbase nuk do të jetë një formë të drejtpërdrejtë, por në mënyrë indirekte nëpërmjet veprës. Një artist nuk mundet që të jetë asnjëherë i lidhur me zinxhir.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Butrinti me koncesion? Tare kundërshton: S’mund t’ua japim të huajve, rrezikohet identiteti

Butrinti me koncesion? Tare kundërshton: S’mund t’ua japim të huajve, rrezikohet identiteti

Publikuar më 11.09.2020
Qendra më e njohur arkeologjike në Shqipëri, Butrinti, do të...

Qendra më e njohur arkeologjike në Shqipëri, Butrinti, do të menaxhohet për 10 vitet e ardhshme nga Fondacioni Shqiptaro-Amerikan për Zhvillim. I ftuar në ‘RTV ORA’, ish-drejtori i këtij parku arkeologjik Auron Tare, tha se situata në Butrint në 10 vitet e fundit lë për të dëshiruar, sa i përket menaxhimit, por dhe të parkut […]

Lexo më shumë

Infektohet me koronavirus aktorja e njohur shqiptare, i prekur edhe bashkëshorti

Infektohet me koronavirus aktorja e njohur shqiptare, i prekur edhe bashkëshorti

Publikuar më 08.09.2020
Është infektohet me koronavirus aktorja e njohur shqiptare, ...

Është infektohet me koronavirus aktorja e njohur shqiptare, drejtoresha e Artit dhe Kulturës Korçë, Zamira Kita. Mësohet se gjithashtu nga virusi vdekjeprurës është prekur edhe bashkëshorti i saj, i cili është dërguar për një trajtim më të specializuar në një nga spitalet e kryeqytetit. Ndërsa gjendja shëndetësore e aktores paraqitet e mirë. Prej disa vitesh […]

Lexo më shumë

Vdekja e aktorit Chadwick Boseman thyen një rekord historik

Vdekja e aktorit Chadwick Boseman thyen një rekord historik

Publikuar më 31.08.2020
Vdekja e parakohshme e aktorit Chadwick Boseman, pas një luf...

Vdekja e parakohshme e aktorit Chadwick Boseman, pas një lufte të gjatë me kancerin ka prekur zemrat e miliona fansave. Ngushëllimet e tyre po sinjalizohen edhe si rekorde në rrjetin social Twitter. Administratorët e këtij rrjeti social kanë lajmëruar se njoftimi për vdekjen e tij, që u postua në profilin e aktorit, është bërë postimi […]

Lexo më shumë

Zbulohet varri helenistik në Tepelenë, gjenden monedha dhe enë qeramike (FOTO)

Zbulohet varri helenistik në Tepelenë, gjenden monedha dhe enë qeramike (FOTO)

Publikuar më 24.08.2020
Gjetjet arkeologjike që i përkasin periudhës helenistike jan...

Gjetjet arkeologjike që i përkasin periudhës helenistike janë zbuluar rastësisht në fshatin Turan të Tepelenës Ministrja e Kulturës, Elva Margariti, përmes një postimi në rrjetet sociale, njoftoi zbulimin e një vendi arkeologjik ku janë gjetur objektet, si monedha, enë qeramike, kandilë etj. Ministrja Margariti bën me dije se tashmë specialistët e IKTK kanë shkuar në […]

Lexo më shumë

Shqiptarja shpallet “Aktorja më e mirë” në festivalin e filmit në Kanada (Foto)

Shqiptarja shpallet “Aktorja më e mirë” në festivalin e filmit në Kanada (Foto)

Publikuar më 02.08.2020
Artistja dhe producentja shqiptare në Kanada, Ana Golja ësht...

Artistja dhe producentja shqiptare në Kanada, Ana Golja është vlerësuar në festivalin e filmit “Lavazza Film Festival” për filmin The Cuban. Përmes një postimi në rrjetet sociale shqiptarja ka treguar se ndjehet e nderuar që është vlerësuar me çmimin “Aktorja më e mirë”. “Nuk e di ende se çfarë ndodhi mbrëmjen e djeshme por përfundova […]

Lexo më shumë

Bienalja e parë e karikaturës në Shqipëri, mbi 100 artistë nga gjithë bota konkurrojnë me veprat më të mira

Bienalja e parë e karikaturës në Shqipëri, mbi 100 artistë nga gjithë bota konkurrojnë me veprat më të mira

Publikuar më 20.07.2020
Shqipëria do të mbledhë për herë të parë në një bienale emra...

Shqipëria do të mbledhë për herë të parë në një bienale emrat më të njohur të karikaturës në mbarë botën. Drejtoresha ekzekutive dhe themeluesja e çmimit Niko Nikolla, Flora Nikolla, tregon për “Shekulli”-n si i lindi kjo ide dhe çfarë pritet të ndodhë në eventin e rëndësishëm, që synon të vendosë Shqipërinë në hartën e […]

Lexo më shumë

Rikthehet “Festivali i Resë”, 100 artistë shqiptarë ndezin atmosferën në Tiranë mes pandemisë

Rikthehet “Festivali i Resë”, 100 artistë shqiptarë ndezin atmosferën në Tiranë mes pandemisë

Publikuar më 19.07.2020
Festivali i Resë që çdo edicion mbledh artistët më të mirë n...

Festivali i Resë që çdo edicion mbledh artistët më të mirë nga Shqipëria dhe jo vetëm, rikthehet edhe këtë vit, pavarësisht se në kushte jo normale. Pandemia nuk e ndali festivalin, i cili i dedikohet në tërësi promovimit të kulturës, artistëve, folklorit shqiptar e artit kontemporan. Nga data 21 korrik deri në 2 gusht të […]

Lexo më shumë

Ndërkohë që Shqipëria i shkatërron, KE jep miliona euro për monumentet e dëmtuara nga tërmeti

Ndërkohë që Shqipëria i shkatërron, KE jep miliona euro për monumentet e dëmtuara nga tërmeti

Publikuar më 17.07.2020
Kala, monumente, muze dhe site arkeologjike u dëmtuan rëndë ...

Kala, monumente, muze dhe site arkeologjike u dëmtuan rëndë pas tërmetit të 26 nëntorit. Komisioni Europian do i vijë në ndihmë Shqipërisë për restaurimin e tyre me një fond prej 50 milionë eurosh. Fondi i miratuar nga KE është pjesë e një pakete prej 100 milionë eurosh, në mbështetje të qeverisë shqiptare për rehabilitimin dhe […]

Lexo më shumë