“E ndoqa me vrap deri sa u lodh”, i riu tregon si shpëtoi 4-vjeçaren nga rrëmbyesi

Një ngjarje e pazakontë ka tronditur qytetin e Korçës mbrëmjen e djeshme. Një vajzë e mitur 4-vjeçare është tentuar të rrëmbehet nga një i ri, por më pas banorët e zonës kanë arritur ta shpëtojnë prej tij.

Një nga banorët, Xhoniel Qelemeni ,ka rrëfyer për mediat se ai ka shpëtuar vajzën duke ndjekur me vrap rrëmbyesin e saj.

“Ishte nëna dhe vajza kaluan këtu në rrugë. Unë isha me dy shokë, po rrija tek bordurat, pashë një tip që kaloi këtu, vajti të rrëmbente çupën. I thirrëm ne dhe ai u tremb, ne e ndoqëm me vrap, ngjarja ka ndodhur rreth orës 21:20. Djalin nuk e njihja, e ndoqa me vrap derisa u lodh, më ndihmuan edhe shokët, e kapëm. Në ato momente ka ndaluar policia. Nëna po thërriste, u tremb, u tromaks. Në ato momente vajza ishte e trembur. Në këtë lagje nuk kishte ndodhur më parë kjo gjë”, tregoi Qelemeni.

Në raportimet e para thuhej se një i ri i moshës 20-vjeçare, i cili dyshohet se vuan nga probleme të shëndetit mendor, i ka marrë nënës vajzën me forcë dhe ka tentuar ta rrëmbejë.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet