Dy ish-kryekomunarë dhe ish-ndërtuesja, kush janë të arrestuarit për tërmetin

Pas dëmeve të tërmetit shkatërrimtar të 26 nëntorit, policia nisi sot ekzekutimin e udhër-arresteve për 24 persona.

Pas hetimit të organit të akuzës u ndaluan 24 persona, ndërkohë që tre kryekomunarë të tjerë janë në kërkim, e më konkretisht: kryekomunarët e Kasharit, Besnik Fuçia dhe ai i Farkës, Fatbardh Plaku.

Ish-kryekomunari i Kasharit Besnik Fuçia është një zyrtar i njohur edhe publikisht, pasi ka drejtuar një njësi administrative ku vitet e fundit janë dhënë shumë leje për ndërtim, kryesisht në komplekse pallatesh. Në maj ai dhe 5 persona të tjerë u arrestuan nga Policia pasi akuzoheshin për “falsifikim dokumentesh” që lidheshin me lejet për ndërtim.

Fatbardh Plaku ka qenë kryetar komune në Farkë, një tjetër zonë e Tiranës ku kanë “lulëzuar” ndërtimet. Plaku së bashku me një përgjegjës të Zyrës së Kadastrës janë proceduar më parë në gjendje të lirë pasi kallëzimit të një qytetari.

Mes emrave të njohur të ndaluar nga Blutë rezulton edhe ndërtuesja Vjollca Hoxholli, por edhe ndërtues dhe kolaudues.

Kujtojmë që emri i Vjollca Hoxhollit u lakua pas akuzave se mashtronte qytetarët duke iu shitur dy herë apartamentet. Për të njëjtën vepër penale bashkëshorti i saj Rrapush Hoxholli u shpall fajtor nga Gjykata e Durrësit duke u dënuar me 10 vjet burg, por u lirua më pas për shkak të moshës.

Kujtojmë që tërmeti i 26 nëntorit shkaktoi dëme të mëdha në disa lagje të populluara të Tiranës, si Kombinat, Kashar, Komuna e Parisit, Liqeni i Thatë dhe Porcelan.

Në total në kryeqytet u dëmtuan si pasojë e tërmetit 448 pallate dhe 548 shtëpi. Pas tërmetit një hetim nisi për një sërë firmash ndërtimi, kolaudues dhe inxhinierë që kanë vepruar në Tiranë.

Emrat e 27 personave për të cilët ka udhër-arrest

1. Fatbardh Plaku ish-kreu i Komunës Farkë
2. Besnik Fuçia, ish-kreu i Komunës Kashar
3. Luan Beta, ish-kreu i Urbanistikës, Vorë
4. Stela Maze, arkitekte
5. Anila Harxhi, arkitekte
6. Merita Kushi
7. Bukurije Halili
8. Ali Dyrmishi (ndërtues)
9. Vjollca Hoxholli (ndërtuese)
10. Gerti Çalliku
11. Jani Ikonomi
12. Qirjako Gjergo
13. Sherbet Shehi
14. Naim Shehi
15. Ermir Çina
16. Adhurim Qehajaj
17. Gëzim Shkalla
18. Pëllumb Fortuzi (ndërtues)
19. Xhevahir Doda
20. Reis Muça
21. Hekri Disha
22. Agim Eski
23. Faik Fejzo
24. Zhaneta Tagani
25. Muhamed Felahi
26. Ndoc Pepkola
27. Hekri Disho

Leave a Reply

Your email address will not be published. Required fields are marked *

Komente

  1. Nik says:

    Nuk po e kuptoj mire kush ka vjedhur me shume nga keto?????

Të tjera

Abissnet