Dogji burrin me vjehrrën, shkon në gjyq nusja me të dashurin

Prokuroria për Krime të Rënda ka dërguar për gjykim dosjen e “zjarrtë”, ku nusja me të dashurin e saj janë vënë nën akuzë për vrasjen e më pas djegien e vjehrrës dhe burrit. Ngjarja makabër ka ndodhur në janar të vitit të kaluar, ndërsa autorët dyshohet se janë shtetasit Kasem Pirjasi dhe Hysnije Hoxhallari.

Këta dy, dyshohet se kishin një lidhje dashurie, ndërsa janë zbuluar pas një mesazhi që gruaja i nisi Pirjasit pas ngjarjes së rëndë. Mesazhi që i ka nxjerrë zbuluar ka qenë: “Ç’më bëre, më more në qafë”, i ka shkruar Hysnia, Kasem Pirjasit. Në seancën për dhënien e masës së sigurisë, ajo është shprehur e penduar për ngjarjes.

Dëshmia e gruas

“Nuk i godita unë por Kasem Prijasi”, ka qenë kjo dëshmia e bashkëshortes së viktimës Olsi Haxhillari e cila ka pranuar se është njoftuar nga 26-vjeçari pasi ai ka kryer krimin. Gruaja është shprehur para grupit hetimor në kohën e ngjarjes se pasi Kasemi i kishte vrarë të dy, edhe bashkëshortin dhe vjehrrën, ai e kishte njoftuar për masakrën e ndërsa ajo ka fshehur vetëm sëpatën. E lava hanxharin ka rrëfyer gruaja, e cila ka treguar edhe vendin ku ishte fshehur. “Ai i vendosi zjarrin banesës së vogël dhe kur ai iku, unë prita deri në orën katër të mëngjesit dhe pastaj njoftova policinë”, ka thënë ajo.

Në përfundim të hetimeve, burime nga organi i akuzës bënë të ditur se nusja e shtëpisë së bashku me të dashurin e saj kanë vrarë bashkëshortin Olsi dhe nënën e tij Hysnie Haxhillari dhe më pas i kanë vënë flakën banesës për të humbur provat. Tashmë dy autorët e dyshuar të kësaj ngjarje të rëndë do të dalin përballë gjykatës për krime të rënda, nën akuzën e “vrasjes” dhe “vrasjes me paramendim”, e kryer në bashkëpunim. Pas dërgimit të dosjes dhe kërkesës për gjykim, gjykata pritet të hedhë shortin ku do të caktohet gjyqtari që do të gjykojë këtë çështje. Prokuroria do të kërkojë thirrjen e shumë dëshmitarëve në gjykatë, ndërsa shprehet në kërkesën e saj që ka prova të mjaftueshme për të vërtetuar akuzat ndaj dy të akuzuarve. /XH.GJ/

 

 

Leave a Reply

Your email address will not be published. Required fields are marked *

Të tjera

Stadiumi “Rama Ik!”

Arben Rrozhani Ditari (a)politik Mijëra shqiptarë ishin mbrëmë në stadiumin “Air Albania”. Por protesta e tyre me baner e pagëzoi…

Abissnet