City tenton t’i rrëmbejë Sanchezin skuadrës së Arsenalit

Publikuar më 09. 01. 2018 nga Jola Alimemaj

Skuadra e Manchester City nuk ka të ndalur. Ata udhëheqin kampionatin anglez me diferencë të madhe pikësh me vendin e dytë. Pavarësisht këtij fakti, Pep Guardiola është i destinuar ta përforcojë ekipin me një sulmues të kalibrit të lartë. Bëhet fjalë për kilianin që aktivizohet me Arsenalin, Alexis Sanchez. 28 vjeçari është në vitin e fundit te “topçinjtë” pasi i skadon kontrata në fund të këtij sezoni.

Trajneri i Arsenalit, Arsene Ëenger kërkon ta shesë në janar lojtarin për të mos u larguar duar thatë në fund të vitit. Arsenal kërkon 35 milionë paund për shërbimet e tij, por Manchester Ciity ofron 25 milionë paund. Kujtojmë që Sanchez mund të luajë në Champions me Cityn pasi në këtë sezon ai është aktivizuar me Arsenalin në Europa League.