Bora sjell kaos në disa pjesë të Evropës

Reshjet e dendura të borës sollën kaos në disa pjesë të Gjermanisë dhe Suedisë të premten, duke bllokuar rrugë, ndaluar trena dhe mbyllur shkolla.

Kryqi i Kuq i ndihmoi vozitësit në një autostradë në landin gjerman të Bavarisë, ku një djalë 9 vjeç humbi jetën nga rënia e një druri.

Në Zvicër, një ortek goditi një hotel, duke plagosur tre vetë, ndërsa në Norvegji disa rrugë u bënë të pakalueshme.

Në Austri, të premten, moti u qetësua, pasi bora në ditët paraprake arriti në tre metra, shkruan Rel.

Shtatë njerëz vdiqën atje javën e kaluar, ndërsa dy alpinistë u raportuan të humbur qysh të shtunën.

“Sasi e tillë e borës në mbi 800 metra lartësi bie një herë në 30 deri në 100 vjet”, tha Alexander Radlherr, nga Instituti Qendror i Austrisë për Meteorologji dhe Gjeodinamikë.

 

Leave a Reply

Your email address will not be published. Required fields are marked *

Të tjera

Abissnet