Boksieri dënohet me 60 orë shërbim në komunitet për marihuanë

Publikuar më 12. 01. 2018 nga Jola Alimemaj

Deontay Wilder është dënuar me 60 orë punë në komunitet për mbajtje të paligjshme të marihuanës.

Kampioni i botës në peshat e rënda të boksit në kategorinë WBC, u shpall fajtor nga gjykatësi Ricky McKinner, i cili urdhëroi boksierin 32-vjeçar ta shlyejë dënimin në një lokalitet të vogël pranë shtëpisë.

Wilder u arrestua në shtëpinë e tij në Tuscaloosa, në qershor të këtij viti, ku pas një kontrolli policia gjeti marijuanë në makinën e tij.

Avokatët e tij u shprehën se marihuana nuk i përkiste boksierit, pasi ai kishte qenë në udhëtim jashtë qytetit dhe persona të tjerë e kishin përdorur makinën e tij.