“Bisha” e detit, befasohen peshkatarët në Durrës, ja peshkaqeni që përfundoi në rrjetë (FOTO)

Publikuar më 10. 01. 2018 nga Eno Shkëmbi

Kishin dalë për peshkim rutinë, por një grup peshkatarësh nga Durrësi janë përballur me një të papritur të madhe. Vetëm 10 milje larg bregut të detit, në rrjetën e tyre ka rënë një peshkaqen.

Sipas dëshmitarëve, “bisha” e kapur rreth mesditës së sotme peshonte të paktën 60 kilogram. Nga fotot bëhet fjalë për një peshkaqen të bardhë.

Një nga peshkatarët shprehet për “JOQ.al” se: “Ky është një peshkaqeni 60 kile i kapur nga peshkatarët e marinës në bregdetin Adriatik . Peshkaqeni u kap rreth 10 milje larg bregut të Durrësit”.