Big Brother, Debate mes Lupçes dhe Danjelit

Publikuar më 19. 05. 2017 nga pandeli

Kur Enida dhe Marjusi shpjegojnë pakënaqësitë që kanë në lidhje me zbatimin e urdhrave të dhëna prej tyre si çift lider në shtëpi nga banorët e tjerë, një vërejtje e bërë prej tyre ka shkaktuar ndërhyrjen e Danjelit.

Ata thanë se nuk u ka pëlqyer komenti i bërë nga banorët kur kërkuan që të vendosjes një orar për hapjen e frigoriferit dhe të bëhej kujdes me ushqimet.

Danjeli ndërhyu dhe tha se këto gjëra shkaktojnë pakënaqësi tek banorët e tjerë, por nuk mirëpret vendimin e Marjusit dhe Enidës për punën e frigoriferit.

Këtu ndërhyn Lupçe.

“A ka qenë Fotinia e para që ka thënë që ne nuk duhet të prekim frigoriferin, apo jo?”, i drejtohet ai Danjelit.

Danjeli e quan thashetheme këtë dhe përpjekje për ta kaluar debatin në personal.

“S’jam këtu të merrem në pyetje”, i thotë ai.

Lupçe këmbëngul dhe kërkon prej Danjelit që të sqarojë këtë për banorët e tjerë, por Danjeli u shmanget dhe largohet nga tavolina. /bba