×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Bienalja e parë e karikaturës në Shqipëri, mbi 100 artistë nga gjithë bota konkurrojnë me veprat më të mira

Shqipëria do të mbledhë për herë të parë në një bienale emrat më të njohur të karikaturës në mbarë botën. Drejtoresha ekzekutive dhe themeluesja e çmimit Niko Nikolla, Flora Nikolla, tregon për “Shekulli”-n si i lindi kjo ide dhe çfarë pritet të ndodhë në eventin e rëndësishëm, që synon të vendosë Shqipërinë në hartën e karikaturës botërore.

Lorena Resulaj

Për herë të parë Shqipëria do të organizojë një bienale karikature, që do të mbledhë emrat më të njohur të kësaj fushe nga mbarë bota. Nga 500 vepra, juria shqiptare e përbërë nga emra të njohur si Agim Sulaj, Bujar Kapexhiu, Vera Bekteshi, Rezear Xhaxhiu, Gjet Ndoj, Diana Mile, Gentain Zeka, Agim Janina, Ilir Harxhi, Thoma Gëllçi, kanë përzgjedhur 120 karikatura që do të garojnë në finalen e madhe. Bienalja e karikaturës do të mbahet nga datat 18-20 shtator në qytetin e Pogradecit, organizuar nga “Albanian Excellence” në bashkëpunim me bashkinë e qytetit të Pogradecit.

Bienalja organizohet në kuadër të Ditëve të Humorit Niko Nikolla dhe organizatorja e këtij eventi, Flora Nikolla tregon si i lindi si ide. E bija e publicistit Niko Nikolla, që njihej edhe si pena e hollë e humorit shqiptar dhe drejtuesi i revistës “Hosteni”, zbulon për “Shekullin”-n detaje nga gjithë kjo ngjarje e rëndësishme për artin.

Një miku im që është anëtar i jurisë, i cili është dhe njeri shumë i rëndësishëm në jetën pogradecare, Ilir Shyta, kur isha në Pogradec më thotë: ‘Albanian Excellence promovon të gjithë njerëzit, ti kur do e promovosh babain tënd?’ Dhe kjo më vendosi në sedër që duhej të bëhej një aktivitetet për Niko Nikollën. Në atë moment lashë një takim me kryetarin e Bashkisë Pogradec që u tregua shumë dashamirës dhe kështu nisi të konturohej një aktivitet për Niko Nikollën. Ne menduam të organizojmë ditët e humorit Niko Nikolla në Pogradec në kujtim të tij, që do të ndahej në dy shtylla kryesore: e para do të ishte karikatura, sepse revista Hosteni ka qenë një shkollë e padiskutueshme në krijimin e fizionomisë së karikaturës shqiptare pas viteve ’70 dhe një rol shumë të rëndësishëm ka luajtur Niko Nikolla në krijimin e shkollës së karikaturistëve duke filluar nga Zef Bumçi, Dhimitër Ligori, Arben Meksi, Agim Sulaj, Ilir Pojani, etj”, tha Flora Nikolla.

Ideatorja e bienales thotë se për fazën finale janë përzgjedhur nga juria 120 karikatura nga 50 shtete të ndryshme të botës.

Erdhën 500 karikatura nga 50 shtete të botës dhe u përzgjodhën rreth 120. Anëtarët e jurisë kishte raste që përzgjodhën edhe 2 karikatura nga një autor, apo dhe 3 kur vlenin. Autorët janë të njohur dhe janë nga të gjitha kontinentet. Nga Europa janë gati të gjitha shtetet duke filluar nga Suedia, Spanja, Italia, Greqia, Qipro. Për të vazhduar me Ballkanin, që janë të gjitha shtetet e Ballkanit, sepse bienalja titullohet ‘Buzëqeshje Ballkanike’. Turqia ka shumë. Për të vazhduar me Lindjen e Largët. Kina ka sjellë shumë vepra me mbi 10 autorë. Për të kaluar pastaj në Indonezi, Brazil, Argjentinë, në Iran, Irak. Ne si organizatorë të ‘Albanian Excellence’ jemi befasuar nga interesi që ka ngjallur ky aktivitetet për t’u organizuar. Është vërtetë për t’u vlerësuar, sepse jo vetëm që është futur Shqipëria në hartën e karikaturës botërore, por njëkohësisht pjesëmarrja është shumë dinjitoze e këtyre autorëve. Kjo bienale do të zhvillohet në vazhdimësi, do të kthehet në një traditë dhe sigurisht edhe prezantimi gjithëpërfshirës i këtyre artistëve ka rëndësi të madhe në lidhje me këtë vazhdimësi.

Një vlerë e shtuar e kësaj bienaleje është pjesëmarrja e Agim Sulajt, një karikaturistë me vlerë botërore, një aset kombëtar që jeton në Itali, i cili më tepër ka çmime se sa vite jetë. Ky aset ka qenë një ambasador i jashtëzakonshëm për promovimin e Bienales së Karikaturës Niko Nikolla”, tregoi Flora për “Shekulli”-n.

Ajo tha se nata finale është menduar si një festë e madhe popullore, që do të ekspozojë jo vetëm veprat e karikaturistëve, por do të promovojë edhe vlerat e qytetit të Pogradecit.

Rreth 120 karikaturave do t’i bashkëngjiten edhe 30 karikaturat që Agim Sulaj me dashamirësinë e tij ka sjellë. Janë kopertina të revistës Hosteni të botuar në vitet ’70-’80. Do të jenë rreth 150 karikatura që do të pushtojnë Pogradecin nga datat 18-20 shtator. Do të jetë dhe një festë e madhe popullore, ne kemi menduar me bashkinë e qytetit që gatimet dhe kostumet tradicionale të gërshetohen me karikaturistët që do të jenë prezent në këto ditë. Në natën gala shpresojmë shumë të jenë prezent fituesit dhe përfaqësuesit diplomatik të shteteve të tyre. Kemi menduar që mbrëmja gala të prezantohet nga Zhaklina Gjolla një gazetare dinjitoze, që ka vlerën e saj edhe sepse është një vajzë pogradecare”, tha Nikolla.

E ardhmja

Flora Nikolla tregoi se Ditët e Humorit Niko Nikolla do të kthehen në një traditë së bashku me bienalen, por duke përfshirë edhe aktivitete të tjera për të angazhuar artistë të Shqipërisë në të tilla evente. Ajo tha se për vitin tjetër është menduar që të organizohet një konkurs mbarëkombëtar për letërsinë e humorit dhe satirës, që sipas saj sot është në agoni.

Vitin tjetër do të organizohet po në kuadër të Ditëve të Humorit Niko Nikolla edhe një konkurs mbarëkombëtar për humorin dhe satirën nisur nga prodhimtaria e vakët e letërsisë humoristike e satirike. Ne duam që vitin tjetër t’i japim një shtysë kësaj letërsie kudo ku ka shqiptarë. Ne nuk mund të qeshim me batutën, duhet të qeshim me filozofinë që sjell humori, sepse humori është shumë i vështirë, duhet të kesh kulturë të jashtëzakonshme ta kuptosh, ta vlerësosh dhe aq më tepër ta shkruash. Dua të theksoj dhe vlerësimin e figurave të humorit shqiptar. Vërtetë Niko Nikolla ka vlerë të padiskutueshme në të shkruarin e humorit, por ai ka qenë një menaxhues i vlerësimit të humorit. Nuk kishte moment që revista Hosteni nuk vlerësonte figura të letërsisë humoristike të asaj kohe. Kujtoj romanin ‘Shkëlqimi dhe rënia e shokut Zylo’, që është botuar për herë të parë me këmbënguljen e Niko Nikollës. Dhe të gjitha figurat e tjera si Nonda Bulka, Spiro Çomora, Qamil Buxheli, Mitrush Kuteli, Dritëro Agolli. Të gjithë autorët shqiptarë që kanë luajtur një rol shumë të rëndësishëm në formimin e fizionomisë së humorit shqiptar, në këto ditë  të humorit do të jenë në vëmendje, do të vlerësohen, sepse duke vlerësuar të shkuarën ne vlerësojmë dhe përcaktojmë edhe të ardhmen tonë”, tregoi Flora Nikolla për ‘Shekulli”-n.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Besoni se qeveria shqiptare do të arrijë ta sigurojë së shpejti vaksinën anti-COVID për të gjithë popullsinë?

Loading ... Loading ...

Kalvari i identitetit, një vështrim kritik mbi esetë “Shpirti i Trumcakut” të autorit Shkëlqim Kokona

Kalvari i identitetit, një vështrim kritik mbi esetë “Shpirti i Trumcakut” të autorit Shkëlqim Kokona

Publikuar më 27.02.2021
Bashkim Abazi Ideja e masës së kronologjisë historike të ide...

Bashkim Abazi Ideja e masës së kronologjisë historike të identitetit – sipas rendit të kohës me tinguj, numra, simbole – është e lidhur ngushtë me imazhin e qenies me identitet individualdhe kolektiv.Kjo ide është e materializuar tek botimi – ese e portretizuar “Shpirti i Trumcakut” të autorit Shkëlqim Kokona. Kozmologjik dhe brendakonceptit ontologjik të qenies […]

Lexo më shumë

Ndahet nga jeta në moshën 51-vjeçare këngëtari i muzikës popullore

Ndahet nga jeta në moshën 51-vjeçare këngëtari i muzikës popullore

Publikuar më 06.02.2021
Një ngjarje e trishtë vjen për muzikën shqiptare. Këngëtari ...

Një ngjarje e trishtë vjen për muzikën shqiptare. Këngëtari i njohur, Rifat Kida ka ndërruar jetë në moshën 51-vjeçare. Lajmin për vdekjen e tij e ka bërë të ditur motra e tij, Resmije Kida Lumani, përmes një postimi në Facebook. “Miqtë e mi sot nga sëmundja e pashërueshme ndërroi jetë vëllai im Rifat Kida. Varrimi […]

Lexo më shumë

Mëngjes i trishtë/ Ndahet nga jeta piktori Mustafa Arapi, prej ditësh luftonte me COVID-19

Mëngjes i trishtë/ Ndahet nga jeta piktori Mustafa Arapi, prej ditësh luftonte me COVID-19

Publikuar më 21.01.2021
Piktori i njohur Mustafa Arapi ka ndërruar jetë në moshën 70...

Piktori i njohur Mustafa Arapi ka ndërruar jetë në moshën 70-vjeçare si pasojë e COVID-19. Mësohet se ka ndërruar jetë në spitalin Shefqet Ndroqi, ku ndodhej i shtruar prej ditësh. Lajmin për ndarjen e tij nga jeta e ka bërë të ditur vajza e tij Dorina e Arapi, përmes një postimi në Facebook. “Sot në […]

Lexo më shumë

Koncerti i fundvitit, sopranoja shqiptare Nina Muho shkëlqen në skenën e Teatrit “Verdi”

Koncerti i fundvitit, sopranoja shqiptare Nina Muho shkëlqen në skenën e Teatrit “Verdi”

Publikuar më 05.01.2021
Një ftesë artistike në kohë pandemie për solisten e re  të T...

Një ftesë artistike në kohë pandemie për solisten e re  të TKOB-së, sopranon Nina Muho, solli një  pikë arritjeje jo vetëm për artisten, por një vlerë që ju shtua edhe Teatrit tonë të Operas dhe Baletit. Ditën e enjte, më 31.12.2020 sopranoja nga Shqipëria interpretoi në skenën  skenën e Teatrit Lirik “Verdi” në qytetin e […]

Lexo më shumë

Interpretoi me qindra role, ndahet nga jeta aktori i njohur i skenës shqiptare

Interpretoi me qindra role, ndahet nga jeta aktori i njohur i skenës shqiptare

Publikuar më 04.01.2021
Aktori i njohur i skenës Xhemil Tagani ka ndërruar jetë në m...

Aktori i njohur i skenës Xhemil Tagani ka ndërruar jetë në moshën 75-vjeçare. Xhemil Tagani u lind në Tiranë, më 6 shkurt 1945, ndërsa studio në Institutin e Lartë të Arteve, dega e dramës. Me 1968 filloi punë si aktor në Teatrin Popullor (sot Teatri Kombëtar) derisa doli në pension. Luajti mjaft role të dyta […]

Lexo më shumë

Video e rrallë e Lasgush Poradecit, tregon si fitoi bursën për të studiuar në Berlin

Video e rrallë e Lasgush Poradecit, tregon si fitoi bursën për të studiuar në Berlin

Publikuar më 28.12.2020
Arkivi qendror shtetëror i filmit ka publikuar një video të ...

Arkivi qendror shtetëror i filmit ka publikuar një video të rrallë të Lasgush Poradecit, i cili tregon se si ka arritur të fitoi brusën për të bërë studime në albanologji. Poradeci mes emocioneve thotë sa babai i tij e donte shumë kulturën dhe se poezinë nisi ta shkruante kur i ati e dërgoi për të […]

Lexo më shumë

Ditë e trishtë për artin/ COVID-19 i merr jetën ikonës së komedisë franceze

Ditë e trishtë për artin/ COVID-19 i merr jetën ikonës së komedisë franceze

Publikuar më 23.12.2020
Me dhjetëra role, me doza të holla humori do të luheshin nga...

Me dhjetëra role, me doza të holla humori do të luheshin nga ikona e komedisë franceze, Claude Brasseur. Ai, ndërroi jetë në moshën 84-vjeçare shkruan ‘Le Monde’, si pasojë e COVID-19. Kanë qenë persona të afërt të aktorit që kanë konfirmuar këtë lajm të trishtë, ku më tej thuhet se artisti do të prehet në […]

Lexo më shumë

Arti në zi/ I prekur me COVID-19 ndahet nga jeta regjisori i njohur

Arti në zi/ I prekur me COVID-19 ndahet nga jeta regjisori i njohur

Publikuar më 20.12.2020
Është ndarë nga jeta si pasojë e COVID-19, regjisori i njohu...

Është ndarë nga jeta si pasojë e COVID-19, regjisori i njohur, Kadri Metohu. Ai u nda nga jeta në moshën 90-vjeçare. Lajmin e ka bërë me dije në rrjetet sociale gazetari Dhimitër Gjoka. Ai shkruan se Metohu la pas një vepër të madhe për artin shqiptar për të cilat gjatë jetës së tij është nderuar […]

Lexo më shumë