Bebe Rexha viziton familjen e dytë që do t’i rindërtojë shtëpinë: Jam krenare që jam shqiptare (Foto)

Pas Bubqit, këngëtarja shqiptare me famë botërore, Bebe Rexha ka vizituar fshatin Bizë në Ishëm, ku është njohur me familjen e dytë do t’ju rindërtojë shtëpinë.

Bebe u mirëprit nga fëmijët e kësaj zone, të cilët pavarësisht momenteve të paniku që kaluan, kënduan për këngëtaren këngën “Ja na erdhi Viti i Ri”, ndërsa ajo ju ka shpërndarë më pas atyre ëmbëlsira dhe lëpirëse.

30-vjeçarja ka udhëtuar nga Shtetet e Bashkuara të Amerikës drejt Shqipërisë për t’u solidarizuar me familjet e prekura nga tërmeti i fuqishëm.

Nga ana tjetër Bebe tha se ky është shansi i të gjithë shqiptarëve nëpër botë për të dhënë kontributin e tyre dhe për të ndihmuar njerëzit e prekur nga tërmeti që të rindërtojnë jetën e tyre.

“Jam shumë krenare që jam shqiptare dhe jam shumë e lumtur që po ndihmojë një tjetër familje. Kjo do të jetë shtëpia e dytë që do të ndërtojmë. Ne jemi shumë të fortë, dhe dua të them edhe njëherë për të gjithë shqiptarët në botë ky është shansi juaj për të ndihmuar njerëzit tanë që të rindërtojnë jetën e tyre, çdo gjë sado e vogël ndihmon. Zoti e bekoftë Shqipërinë”, tha ajo.

Shtëpia e dytë që do të rindërtohet nga fondet e mbledhura nga Bebe Rexha do të jetë ato e familjes Bushi.

Leave a Reply

Your email address will not be published. Required fields are marked *

Të tjera

Abissnet