BE të hënë ka gati emrin e Përfaqësuesit të Lartë për Ballkanin

Përfaqësuesi i Lartë i Bashkimit Europian për Çështjet e Jashtme dhe Politikën e Sigurisë së BE, Josep Borell do të paraqesë para ministrave të jashtëm të Bashkimit Europian (Këshilli i Punëve të Jashtme) idenë e emërimit të të dërguarit special për Ballkanin Perëndimor të hënën, konfirmuan zyrtarët e BE-së, njoftoi Radio Europa e Lirë.

Çështja do të diskutohet zyrtarisht për herë të parë në një takim ministror të hënën, megjithëse mundësia e emërimit është diskutuar disa muaj më parë.

Sipas Radio Europa e Lirë, zyrtarët e Bashkimit Europian në lidhje me këtë çështje thonë se është e paqartë se cili do të jetë fusha e funksionit, qoftë gjeografikisht, qoftë politik.

Mbetet e paqartë nëse përfaqësuesi do të mbikëqyrë tërë Ballkanin Perëndimor apo vetëm Kosovën dhe Bosnje-Hercegovinën, por kuptohet që dialogu i Beogradit dhe Prishtinës do të mbetet në fokus të angazhimit të përfaqësuesit të ardhshëm.

Sipas një raporti për media, Mirosllav Lajçak mund të zgjidhet në këtë pozicion, por ky njoftim për media nuk është konfirmuar.

Ky nuk është njoftimi i parë që një i dërguar i BE-së mund të jetë edhe Mirosllav Lajçak.

Më parë, e përditshmja në Beogradi “Blic”, raportoi të njëjtat pretendime, dhe pastaj Presidenti i Serbisë komentoi se ai nuk e përjashtoi një mundësi të tillë.

Siç njoftuan burimet europiane, të hënën e ardhshme do të shënojë vetëm fillimin e debatit pasi gjërat ende nuk janë sqaruar dhe do të ndiqen procedurat e nevojshme.

Një emërim zyrtar pritet siç thuhet më vonë këtë vit, por të gjitha procedurat duhet të përfundojnë deri në pranverë.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet