Basha takon Veselin, apel për unitet: Duhet parimi i pacenueshmërisë së kufijve

Kreu i opozitës Lulzim Basha ka dalë sot në një deklaratë të përbashkët me kreun e Kuvendit të Kosovës Kadri Veseli, pas takimit të zhvilluar mes tyre.

Basha thekson se fokusi i bisedimit mes zyrtarëve ishte tek forcimi i unitetit të faktorit në Kosovë, Rajon por edhe në Tiranë. Ndërsa shtoi se duhet të respektohet parimi i moscënimit të kufijve.

“Kam kënaqësinë që të mirëpres sot kryetarin e Kuvendit të Kosovës. Kemi pasur një bisedë të frytshme të hapur dhe të drejtpërdrejtë. Theksi në këtë kohë sfidash për Kosovën dhe rajonin është uniteti. Por edhe bashkimi i faktorit të Kosovës por dhe të Tiranës, për të’i shërbyer interesit kombëtar, interesit të popullit të Kosovës që është sovrani. Duhet parimi i pacenueshmërisë së kufijve, dhe përcaktimi i qartë i Kosovës si anëtare në NATO dhe në BE, rruga e të cilës kalon përmes reformave. PD ka mbështetur dhe mbështet dialogun midis Kosovës dhe Shqipërisë në funksion të normalizimit të dy vendeve”, tha Basha.

Ndërkohë, Veseli pohoi në fjalën e tij se Kosova nuk ka si qëllim që të marrë kufijtë nga të tjerët, ndërsa shtoi se shumë prej qytetarëve të saj do të kenë brenga.

“Sot patëm takime me përfaqësues të lartë të shtetit. Duhet sa më shpejt platforma kombëtarë, për dialogun me Serbinë. Vullneti i qytetarëve është Kosova të pranohet në OKB, e të ecë në rrugëtimin drejt BE e NATO, të ketë raporte të mira me fqinjët. Qëndrimet janë të qarta dhe ne duhet të punojmë bashkërisht. Partitë në Shqipëri janë përkrahësit më të mëdha të shtetit tonë, Kjo është e ardhmja jonë, një Ballkan stabili, i integruar ku jetohet në fqinjësi të mirë, pa hyrë në punët e njëra tjetrës. Kosova nuk do të marrë nga të tjerët, është shtet sovran dhe do të angazhohet për të drejtat e shqiptarëve kudo që janë. Punojmë për stabilitetin rajonal, nuk kemi pretendime ndaj asnjë shteti, por kemi brenga për qytetarët tanë. As abetaret nuk lejohet të futen në shtetin serb”, tha Veseli.

Leave a Reply

Your email address will not be published. Required fields are marked *

Të tjera

Abissnet