Banesa të siguruara, AMF: Si të merrni kompensim për dëmet

Të gjithë qytetarët e prekur nga tërmeti i datës 26 nëntor 2019, që kanë një kontratë për sigurimin e banesës apo pronës nga katastrofat natyrore, janë të lutur të kontaktojnë menjëherë shoqërinë e sigurimit për të njoftuar për dëmtimet e ndodhura. Apelin e bën Autoriteti i Mbikëqyrjes Financiare, i cili orienton qytetarët se si të veprojnë në këtë rast. “Pasi të keni njoftuar zyrtarisht ndodhjen e ngjarjes së siguruar, një ekspert i shoqërisë së sigurimit do paraqitet në banesën/pronën e dëmtuar për të evidentuar dëmet.

Bëni kujdes që njoftimi i shoqërisë së sigurimit të kryhet brenda afateve të përcaktuara në kontratën e sigurimit. Ju mund të kontaktoni shoqërinë e sigurimit të adresën e selisë qendrore apo në zyrat që ajo ka në rrethin ku ndodheni për të njoftuar dëmtimet e ndodhura në banesën apo pronën Tuaj, si dhe për t’u informuar me detaje në lidhje me procedurat dhe afatet e trajtimit të kërkesave për dëmshpërblim. Çdo shoqëri sigurimi ka një faqe zyrtare interneti, ku ka të publikuar adresat dhe mënyrat e kontaktit”, shkruan AMF.

Dokumentet

Për të marrë kompensimin e dëmit dokumentet që nevojiten janë si vijon:

  1. Njoftim kërkesa, polica e sigurimit, dokumentacionin e pronësisë të objektit të dëmtuar.
  2. Raporti i policisë për ngjarjen(në varësi të ngjarjes).
  3. Vendimi i prokurorisë për ngjarjen (në varësi të ngjarjes).
  4. Fotografi të vendit të ngjarjes dhe objektit të dëmtuar.
  5. Preventiv paraprak (në rast se disponohet).

Afati ligjor për trajtimin e rastit është 60 ditë nga data e njoftim kërkesës. N.Gj

Leave a Reply

Your email address will not be published. Required fields are marked *

Të tjera

Abissnet