×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Arrestimi/ A po i frikësohet Rama hijes së Kurtit në Tiranë?

Eno Shkëmbi

“Dhuna nuk është gjë tjetër përpos se manifestimi më flagrant i pushtetit”, do të shkruante në një nga esetë e saj “Mbi dhunën” filozofja e njohur Hannah Arendt. Spektakli si dhunë dhe dhuna si spektakël u përshfaqën më së miri në agimin e së dielës kur aktivistë dhe qytetarë u tërhoqën zvarrë dhe arrestuan nga kapuçonë të zinj, pa numra identifikimi, që mbanin mbi shpinë uniformën e “Policisë së Shtetit”.

Rezistenca mbi 2-vjeçare e artistëve dhe aktivistëve, të cilët kryeministri dhe kryebashkiaku i Tiranës u përpoqën t’i damkosin si të lidhur me Partinë Demokratike me kohën u zbulua të ishte një qëndresë shumë më e gjerë se kaq. Më shumë se sa një protestë e yshtur politikisht siç do ta karikaturonte Rama, ajo e Teatrit ishte një rezistencë e gjatë e artistëve, punëtorëve të skenës, intelektualëve, aktivistëve dhe qytetarëve të ndryshëm, që kishin një qëllim të përbashkët, mbrojtjen e publikes.

Një grupim që nuk kaloi pa u vënë re në protestë ishte Lëvizja Vetëvendosje me qendër në Tiranë, aktivistët e së cilës u shfaqën me banderolën “Një popull nuk mund t’i nënshtrohet një njeriu” dhe flamuj kuqezi. Qendra e VV-së e “festoi” 1-vjetorin e pranisë së saj në Shqipëri në rrugë, ndërsa drejtori ekzekutiv i saj Boiken Abazi u arrestua “për kundërshtim të forcave të Policisë”. Ajo çka bie në sy është fakti që Abazi vijon të mbahet në burg, ndërkohë që pothuajse të gjithë eksponentët politikë të pranishëm në protestë janë liruar. Natyrshëm lind pyetja: A është Boiken Abazi një i burgosur me urdhër të Edi Ramës?

Nëse hedhim një vështrim kronologjik në raportet e Edi Ramës me “Vetëvendosjen”, pyetja bën sens. Gjatë tubimeve për Teatrin, sikundër ka ndodhur rëndom në Shqipëri, kryeministri Rama përdori narrativën e instrumentalizimit të protestës nga Partia Demokratike. Sikundër  ish-kryeministri Berisha dikur, Rama e përdor këtë narrativë për relativizuar frymën e protestës dhe për të zbehur besueshmërinë e kauzës te publiku. Në këtë kontekst, prania e Lëvizjes Vetëvendosje në tubim mund ta ketë shqetësuar kryeministrin Rama.

Pse? Së pari “Vetëvendosje” është një lëvizje “ex novo” në Shqipëri që nuk mban mbi supe mëkate të së kaluarës. Ajo vepron si OJF, nuk ka asnjë aferë korrptive dhe shpërdorimi të pushtetit, të cilat Edi Rama mund t’i gjejë fare lehtë te Partia Demokratike dhe drejtues të saj. Përpos kësaj “Vetëvendosje” kundërshton lidhjet e oligarkisë me pushtetin, politikat neoliberale, është në një farë mase një formacion antisistemor, duke pasur një kredibilitet në rritje te populli. Edhe pse teza të ngjashme kanë ligjëruar edhe Lulzim Basha dhe Monika Kryemadhi duket se ato nuk kanë ngjitur, pasi ata nuk janë distancuar me të shkuarën, dhe kanë bashkëpunuar me të njëjtët “oligarkë”.

Një tjetër arsye përse Rama mund t’i frikësohet “Vetëvendosjes” është e shkuara e lëvizjes në Kosovë, ku qëndresa ka qenë radikale, konsistente, larg mirazhit të protestave në Shqipëri, ku revolta binte brenda ditës si kështjellë prej rëre, dhe ku shpeshherë protestuesit ishin të paguar që vinin prej rretheve. Ajo çka e përforcon idenë që Rama dhe Veliaj janë të shqetësuar nga prania e “Vetëvendosjes” në Tiranë janë deklaratat e tyre të mëhershme ndaj Albin Kurtit dhe lëvizjes. “Vetëvendosje” do të paralajmëronte një marshim Ditën e Pavarësisë më 28 nëntor të vitit të shkuar, që nxiti reagimin e menjëhershëm të Edi Ramës, i cili e konsideroi aksionin “një lajthitje të Albin Kurtit”.

Atëbotë Kurti do të përdorte një gjuhë disi të “drunjtë”, e kuptueshme për një kryeministër në ardhje, duke thënë se “Qendra e Vetëvendosjes në Tiranë nuk është as pozitë as opozitë, ajo është regjistruar si OJF. Ne e kemi frymën e përbashkët, por nuk dirigjojmë dhe drejtojmë njëri-tjetrin”. Ideja që sulmi ndaj “Vetëvendosjes” ishte i koordinuar dëshmohet edhe nga deklaratat e kryebashkiakut Erion Veliaj i cili po në nëntor do të shprehej se: “Vetëvendosja është e votuar që të qeverisë Kosovën, jo Tiranën”, a thua se po i referohej një formacioni politik të një shteti të huaj, dhe jo një lëvizjeje politike në gjysmën tjetër të kombit, që ekzistencën e saj e ka pazgjithshmërisht të lidhur me çështjen shqiptare.

Përgjatë viteve të fundit Albin Kurti nuk ka qenë indiferent ndaj zhvillimeve në Shqipëri. Ndërsa dikur do ta konsideronte protestën studentore si fillimin e pranverës shqiptare, pasditen e 17 majit ai do të mbante një qëndrim në raport me shembjen e Teatrit Kombëtar duke u shprehur se: “Arkiva e një populli, kujtesa e tij, duhet të mbahet e paprekur nga regjimet”, e duke përshëndetur artistët dhe qytetarët e Tiranës për rezistencën.

Nga ai moment kanë kaluar tre ditë, dhe sot do të dalin para Gjykatës  7 personat e arrestuar në protestë, mes të cilëve edhe Boiken Abazi. Për lirimin e këtij të fundit pati edhe një protestë nga aktivistë të Lëvizjes Vetëvendosje. Lirimi i Boiken Abazit është i pritshëm, por arrestimi i tij mund të shihet edhe si një mesazh i qartë i Edi Ramës për t’i treguar vijat e kuqe “Vetëvendosjes”. Ndërkaq VV nuk duket të jetë zmbrapsur, madje arrestimi i Abazit mund ta ketë faktorizuar në opinionin publik. “Dhuna është instrumenti i fundit i pushtetit lakuriq”, do të shprehej Boiken Abazi në letrën nga burgu, që është një kundërpërgjigje për Edi Ramën se lëvizja nuk ka ardhur për pushime në Tiranë, por sapo ka nisur betejën e saj në Shqipëri.

 

 

 

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Çështja e krimit dhe vrasjeve në Shqipëri

Çështja e krimit dhe vrasjeve në Shqipëri

Publikuar më 20.09.2020
Alban Daci Ka disa ide se si mund të parandalohen vrasjet ap...

Alban Daci Ka disa ide se si mund të parandalohen vrasjet apo krimi. Disa janë të mendimit në shtrëngimet e kodit penal. Në fakt me këto lloj teorish janë kryesisht vendet me diktaturë dhe shteti policor. Shtrëngimet dhe dënimet e rënda përmes kodit penal nuk e parandalojnë krimin, por forcojnë pushtetit e politikës e rrisin […]

Lexo më shumë

Pasojat e shëndetit mendor në kohë pandemie: Ankthi faktori kryesor!

Pasojat e shëndetit mendor në kohë pandemie: Ankthi faktori kryesor!

Publikuar më 20.09.2020
Silvana Begaj Viti 2020 filloi me përhapjen e një pandemie t...

Silvana Begaj Viti 2020 filloi me përhapjen e një pandemie të panjohur më parë e cila u përhapë sa hapë e mbyll sytë në cdo kënd të botës duke na gjetur të papërgatitur dhe duke marr jetë njerëzish në një numër të lartë. Si cdo gjë e re e mbi të gjitha vdekjeprurëse kjo pandemi […]

Lexo më shumë

Tirana përtej propagandës, tre probleme të pazgjidhura

Tirana përtej propagandës, tre probleme të pazgjidhura

Publikuar më 20.09.2020
Marash Logu Më bie rasti në biseda të ndryshme të dëgjoj qyt...

Marash Logu Më bie rasti në biseda të ndryshme të dëgjoj qytetarë, kryesisht jetojnë në qytete të tjera apo jashtë shtetit, të flasin për “sukseset” e Bashkisë Tiranë. Nuk i kundërshtoj dhe nuk debatoj me ta sepse po ta shohësh Tiranën nga Facebook-u i kryetarit të Bashkisë apo mediat “dashamirëse” me siguri edhe unë ashtu […]

Lexo më shumë

Diplomati që ka frikë nga ‘’Gogoli’’

Diplomati që ka frikë nga ‘’Gogoli’’

Publikuar më 16.09.2020
Pirro Naçi Nuk mjafton që trembet vetë por i bënë thirj...

Pirro Naçi Nuk mjafton që trembet vetë por i bënë thirje të gjithëve;- Të dashur shqipëtarë, ruhuni nga (gogoli) ‘’mardhëniet e shkëlqyera’’ me Greqinë ! Diplomati ‘’epidemiolog’’ mori shkas nga një publikim i Kryeministrit Shqiptar pas takimit me kolegun e tij Grek. Çfarë shkruante Edi Rama pas këtij takimi? – ‘’Mardhëniet e shkëlqyera mes dy […]

Lexo më shumë

Sfida më e madhe për Qeverinë e PD-së, pas 25 prillit është është rendi e siguria!

Sfida më e madhe për Qeverinë e PD-së, pas 25 prillit është është rendi e siguria!

Publikuar më 15.09.2020
Alban Daci Sfida më e madhe e PD dhe e Bashës dhe ndoshta me...

Alban Daci Sfida më e madhe e PD dhe e Bashës dhe ndoshta me seriozja pas 25 prillit duhet të jetë lufta kundër krimit të organizuar, rendi dhe siguria. Nuk mund të tolerohet situata në vend ku Shqipëria ngjan me një vend që është në luftë. Qytetarët ndjehen të frikësuar në rrugë, kafe, autobuz e […]

Lexo më shumë

Pabesia kushtetuese me ministren e arsimit

Pabesia kushtetuese me ministren e arsimit

Publikuar më 14.09.2020
Arben Rrozhani Kryeministri Rama zyrtarizoi sot atë që ishte...

Arben Rrozhani Kryeministri Rama zyrtarizoi sot atë që ishte përfolur prej ditëve të nxehta të gushtit: largimin e ministres së arsimit, Besa Shahini, që kishte paralajmëruar largimin nga qeveria dhe Shqipëria, për t’u kthyer në Kosovë, për ‘arsye familjare’. Për të parën herë në historinë e qeverive shqiptare ministri njofton largimin direkt në televizion dhe […]

Lexo më shumë

Populizmi, demokracia liberale dhe Jordan Daci!

Populizmi, demokracia liberale dhe Jordan Daci!

Publikuar më 13.09.2020
Alban Daci A është në rrezik demokracia jonë? Ndoshta më së ...

Alban Daci A është në rrezik demokracia jonë? Ndoshta më së shumti duhet të themi nëse demokracia shqiptare ekziston për të krijuar pastaj dilemën apo dyshimin nëse ajo është në rrezik! Shqipëria ka pasur një raport jo shumë të mirë me demokracinë, në fillim për faktin se ka qenë gjithmonë nën pushtim e autoriteteve të […]

Lexo më shumë

hA-MER-dhe-IK

hA-MER-dhe-IK

Publikuar më 11.09.2020
Pirro Naçi   Gënjeshtra të pafajshme të prindërve tanë ...

Pirro Naçi   Gënjeshtra të pafajshme të prindërve tanë pamvarësisht ekzagjerimit  të tyre ne i besonim. Mbaj mend, gjyshët dhe gjyshet që  na thonin  pak  nga këto rena  të sajuara  për të arritur qëllimimin e  tyre; për të na bërë të hanim të gjithë ushqimin e pjatës,  për të justifikuar dhëmbjet kur përgjaknim këmbët ose […]

Lexo më shumë