Ambulanca në mes të Tiranës me kushte skandaloze

Pavarësisht propagandës, shëndetësia vazhdon të mbetet një problem shqetësues. BOOM ka bërë një vëzhgim në një prej ambulancave që ndodhet në mes të Tiranës dhe kushtet lënë për të dëshiruar. Kamera e BOOM shkoi në pikën shëndetësore 3, në varësi të qendrës shëndetësore numër 8 në Tiranë, e cila ndodhet në rrugën “Irfan Tomini”, pranë ish stacionit të fundit të Tiranës së re. Siç duket kushtet janë skandaloze! Myk, lagështirë, mobilje të vjetra, ambiente të errëta, dyert një me xham dhe një me kompesatë në vend të xhamit, ndriçim i dëmtuar. Nëse do e përkufizonim , do e quanim: “Ambulanca në mes të Tiranës , që s`ka rilindur akoma ” Gazetarja kontaktoi me drejtoreshën e qendrës shëndetësore, e cila tha se ambulanca do rikonstruktohet.

Nevila Shtino, Drejtoresha e qendrës shëndetësore 8: Jemi shumë të lumtur sepse kemi dy javë që kemi marrë miratimin nga Ministria e Shëndetësisë për rikonstruksionin e të gjithë qendrës shëndetësore nr.8 dhe të pikës Irfan Tomini. Jemi në pozitat për prokurim, tenderim për rikonstruksionin gjeneral të të tëra ambienteve të qendrës shëndetësore nr.8.

Gazetarja: Kur pritet të përfundojnë këto punime?

Nevila Shtino, Drejtoresha e qendrës shëndetësore 8: Është një procedurë ligjore që duhet të presim sa të dali.

Gazetarja: Përfshihet dhe pjesa e mobilimit?

Nevila Shtino, Drejtoresha e qendrës shëndetësore 8: Po, përfshihet gjithçka, të gjitha kushtet e brendshme, që tek rruga, hyrja, dyert , krevatet mobilimi dhe gjithçka tjetër.

Mjekët nuk zbatojnë orarin e punës

Një tjetër problem është mosrespektimi i orarit zyrtar në pikat shëndetësore. Edhe pse orari është 7:30-20:10, kjo nuk zbatohet. Gazetarja e BOOM shkoi pikërisht në orën 07:30 për të parë nëse kishte shërbim. Por jo vetëm që nuk kishte shërbim, por ambulanca ishte e mbyllur.

Nevila Shtino, Drejtoresha e qendrës shëndetësore 8: Konstatimi juaj është shumë i rëndësishëm për mua.Unë e kam target pjesën e etikës dhe të pëlqyeshmërisë nga ana e pacientit, të punës që bën mjeku nga ana e pacientit.Jam marrë personalisht gati dy muaj, që jam në këtë detyrë dhe do rimerrem deri sa të kemi formimin e vetë mjekut që vihet në detyrë dhe vihet në orar për zbatimin e punës. Është dashur pak kohë që ta vendos etikën në vend , jam duke u marrë me këtë gjë, e vlerësoj shumë konstatimin tënd se do më ndihmoj që të ndryshoj situatën , do merrem personalisht vetë me këtë problem dhe ditët në vijim.

 

Leave a Reply

Your email address will not be published. Required fields are marked *

Të tjera

Abissnet