Alarmi i ekspertëve: Koronavirusi përhapet edhe nga sytë, maskat s’bëjnë punë

Ekspertët japin alarmin se koronavirusi vrasës mund të përhapet edhe nëpërmjet syve, duke i bërë të pavlefshme maskat mbrojtëse të fytyrës.

Në këtë përfundim ka dalë mjeku kinez Wang Guangfa, i cili i frikësohet faktit se mund ta ketë kontraktuar koronavirusin e ngjashëm me Sars, pasi nuk mbante syze mbrojtëse.

Wang ka qenë një figurë udhëheqëse në luftën kundër virusit SARS që “mbërtheu” Kinën në vitin 2003.

Ekspertë të rëndësishëm kanë konfirmuar se është “absolutisht e mundur” që virusi të futet në sy pas prekjes me dorë të të infektuarit.

Madje ata paralajmëruan se koronavirusi mund të përhapet përmes teshtitjes apo kollës, dhe mund të qarkullojë nëpër trup derisa të mbërrijë në sy.

26 pacientë kanë vdekur pas shpërthimit të koronavirusit në Kinë, që ka prekur më shumë se 900 njerëz dhe është përhapur deri në SHBA.

Paul Kellam, profesor e gjenomikës së viruseve në Imperial College London, tha se një gjë e tillë (transmetimi i virusit në sy) është “absolutisht i mundur”.

“Nuk është e pazakontë që gripi dhe viruset e tjera të transmetohen në këtë mënyrë. Ju gjithashtu mund të merrni infeksione të frymëmarrjes përmes syrit”, tha prof. Kellam.

Ai shtoi se për këtë arsye punonjësit e kujdesit shëndetësor duhet të vendosin syze mbrojtëse, pasi maskat e fytyrës nuk mjaftojnë. Ato janë efektive në mbrojtjen e gojës dhe hundës, por nuk mbrojnë sytë. /E.SH/

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet