6 minuta vëmendje/ “Shpresa e humbur” bën bashkë shqiptarët e suksesshëm në Angli

“Shpresa e humbur”, filmi shqiptar i realizuar në Britani. Petrit Kuçana tregon për “Shekulli”-n se si lindi ideja e realizmit dhe mesazhet që përcjell. Në film marrin pjesë shqiptarë të suksesshëm që jetojnë në Londër, mes tyre prindërit e Ritës, Vera dhe Besniku

Enida Vërça

“Shpresa e humbur”, është filmi me metrazh të shkurtër i realizuar në Britaninë e Madhe nga “The Albanian” dhe shoqata “Shpresa Programe”, Londër. Petrit Kuçana, një ndër ideorët e këtij filmi tregon për “Shekulli”-n detajet mbi realizmin. Filmi është publikuar pak ditë më parë dhe tematika kryesore e tij është shkatërrimi i familjes si pasojë e varësisë ndaj alkoolit dhe bixhozit. “Na u deshën disa muaj ta realizonim. Në këtë film kemi sjellë disa probleme, të cilat janë pjesë e çdo komuniteti. Janë tre elemente të bëra bashkë: kumari, alkooli dhe dhuna në familje, si faktorë kyç në shkatërrimin e familjes”, thotë ai.

Tematika

Kuçana thotë se problemet sociale janë të njëjta kudo dhe ata që vuajnë më shumë pasojat janë fëmijët. Në minutazhin prej më shumë se 6 minutash, është një familje normale, nëna, babai dhe dy fëmijët. I ati i varur nga bixhozi dhe alkooli, sa herë që vjen në shtëpi, nuk kënaqet me ato që gjen. Në këtë mënyrë nis debati mes tyre, i cili shkon deri në dhunë nga ana e bashkëshortit. Ajo që bie në sy në këtë film është ndarja e tij në dy pjesë. Në pjesën e parë janë aktorët dhe në pjesën e dytë, personazhe të rëndësishëm shqiptarë, të cilët kanë një karriere të suksesshme në Londër, japin mesazhe të forta. Kuçana thotë se mes personazheve të njohur, janë edhe prindërit e këngëtares me origjinë nga Kosova, Rita Ora. “Besniku dhe Vera prindërit e Ritës kanë qenë vazhdimisht të përfshirë në aktivitetet e komunitetit dhe gëzojnë një respekt të madh. Ata e pranuan menjëherë ftesën për të qenë pjesë e këtij filmi dhe dhanë mesazhet e tyre pa asnjë mëdyshje”, thotë ai.

Mesazhet

Mesazhet që japin prindërit e Rita Orës, janë në gjuhën shqipe ku këshillojnë që të gjithë ata persona të prekur dhe ndikuar nga alkooli duhet të kërkojnë ndihmë. “Në punën time si psikitare në Londër kam takuar shumë familje të cilat janë shkatërruar nga bixhozi, alkooli dhe dhuna ndaj familjes. Kërkoni ndihmë sa më parë që të ndihmoni vetën tuaj dhe familjet tuaja” thotë Vera Ora. “Detyra jonë si prindër është që të mundohemi t’u tregojmë rrugën e drejtë të mos ikin në rrugën e gabuar, si p.sh bixhozi apo substancat narkotike apo dhuna”, thotë i ati i Rita Orës, Besniku. Në mesazhet sensibilizuese është edhe ideori i këtij filmi, Petrit Kuçna. Sipërmarrësi Ermir Lleshi, i cili është intervistuar pak kohë më parë nga gazeta “Shekulli”, për historinë e tij të suksesit në Londër. Gazetari Arben Manaj, avokatja Ada Guri, e cila merret me problemet e drejtësisë në Londër, ku ka rrëfyer punën e saj pak kohë më parë për gazetën tonë. Skënder Perpepaj, Ermal Krutani etj.

Aktorët

Aktorët të cilët kanë marrë pjesë në këtë film janë: Fidan Vitija, Yllka Alidema, Fiona Metolli, Joni Berbati, Lorent Metolli. Kuçna thotë për “Shekulli”-n se ky është filmi i dytë i realizuar prej tij, pas filmit “Shqiptarët e burgosur në Britani”. “Filmi parë ka qenë në kuadrin e një mesazhi për të gjithë emigrantët shqiptar në Britani. Çdo mesazh është në kuadrin e sensibilizimit”, thotë ai. “The Albanian”, komunitetit më i madh shqiptar në Britani ka prej më shumë se 15 vitesh që ka trajtuar shpesh problemet e shqiptarëve në këtë vend. Një vëmendje të madhe i kushton edhe shqiptarëve të suksesshëm të cilët u larguan nga Shqipëria në kërkim të një shpresë dhe jete më të mirë.

Shpresa e Humbur | Lost Hope Short Film 2020

Mos luani me të ardhmen e fëmijëve tuajDon't gamble your children's future away…

Posted by The Albanian on Friday, February 21, 2020

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet