538 thirrje për verifikim dëmesh nga tërmeti, ja bilanci në Durrës, Krujë e Shijak

Zyra e drejtuesit Qendror të Operacioneve për Menaxhimin e Fatkeqësive Natyrore ka bërë sot një bilanc paraprak të punës në Bashkitë Durrës, Krujë, Shijak, Kurbin, Tiranë, Kamëz, Vorë dhe Lezhë.

Sikurse edhe gjatë dy ditëve të fundit, shumica dërrmuese prej 538 thirrjesh ka qenë për verifikim dëmesh në banesë. Raportohet se në Durrës janë 1963 objekte të inspektuara, 639 të pabanueshme, 88 për t’u prishur.

Ndërkaq, po në qytetin bregdetar janë dëmtuar 12 institucione arsimore,  dhe 7071 nxënës të këtyre shkollave janë transferuar në 15 shkolla të tjera pritëse

AKOMODIMI

Për sa i përket strehimit dhe akomodimit në Manzë, situata paraqitet si në vijim:

81 qytetarë janë strehuar në njësitë lëvizëse të banimit dhe po punohet edhe për strehimin në kushte më optimale 20 qytetarëve, të cilët aktualisht janë të strehuar përkohësisht në çadër.

200 çadra dimërore po ngrihen në këtë zonë për strehim të banorëve pranë shtëpisë së tyre.

Aktualisht po shpërndahen paketa ushqimore, veshje, krevate portative dhe gjithçka tjetër që nevojitet për këta qytetarë.

INSPEKTIME

6048 objekte të inspektuara gjithsej deri tani në Qarkun Durrës.

Bashkia Durrës1963 Objekte të inspektuara, 639 të pabanueshme, 88 për t’u prishur;

Bashkia Krujë2428 Objekte të inspektuara, 910 të pabanueshme, 27 për t’u prishur;

Një informacion shtesë për Bashkinë Krujë: Është kryer dje shembja me lëndë plasëse e një masivi shkëmbor, i cili ishte në rrezik shembje dhe përbënte rrezik për banesat poshtë tij.

Bashkia Shijak – 1657 Objekte të inspektuara, 901 të pabanueshme, 345 për t’u prishur;

 OBJEKTE TË SHEMBURA

43 objekte të shembura gjithsej deri tani në Qarkun Durrës

Bashkia Durrës

Janë prishur gjithsej 31 objekte nga të cilat:

2 pallate (5-katësh dhe 6-katësh) janë prishur me shpërthim të kontrolluar nga forcat xhenio të Ministrisë së Mbrojtjes)

3 hotele  (Hotel “Gostivari” 6-katësh,  Hotel “Vila Verde” 5-katësh, Hotel “Ljubjana” 5-katësh)

26 objektet e tjera kanë qenë me funksion banimi.

Aktualisht, po prisht një objekt në Durrës.

Thumanë, Bashkia Krujë;

10 objekte janë prishur gjithsej, nga të cilat:

1 Shkollë 9-vjeçare në Thumanë,  objekt 2-katësh;

2 pallate 2-katëshe;

7 pallate 5-katëshe.

Bubq, Bashkia Krujë:

2 objekte  janë prishur gjithsej, nga të cilat:

1 shkollë,  Shkolla  9-vjecare në fshatin Bubq, Bashkia Krujë;

1 pallat  2-katësh;

Në të gjitha objektet e shembura po punohet me procesin e pastrimit të inerteve.

 ARSIMI

Në Bashkinë Durrës, janë dëmtuar 12 institucione arsimore,  dhe 7071 nxënës të këtyre shkollave janë transferuar në 15 shkolla të tjera pritëse për zhvillimin e procesit mësimor, si në vijim:

SHKOLLAT E DËMTUARA NR I NXËNËSVE SHKOLLAT PRITËSE
14 NËNTORI 784 NAIM FRASHËRI
BEDRIE BEBEZIQI 408 GJERGJ KASTRIOTI
HASAN KOÇI 637 OLSI LASKO
JUSUF PUKA 374 BAJRAM CURRI
NEIM BABAMETO 931 LEONIK TOMEO
QEMAL MICI 1058 MARIE KAÇULINI
SHAQE MAZREKU 704 JAN KUKUZELI
KUSHTRIMI LIRISË
NËNË TEREZA
REXHEP MEZINI 258 LALËZ
XHELAL SHTUFI 193 ARMATH
ISMET NANUSHI, KULLË 446 PAL ZEFI, RRUSHKULL
NJAZI MASTORI, SUKTH 805 DHOSI LIPERI
SUKTH KATUND
VËLLEZERIT HARADINAJ 473 STACIONI ZOOTEKNIK XHAFZOTAJ

 SHËNDETËSIA

4,664 vizita të kryera në njësitë akomoduese.

1,213 qytetarë të vaksinuar me vaksinën antigrip në Durrës, Krujë, Lezhë dhe Vorë).

533 të sëmurë kronikë të strehuar në qendrat e akomodimit, të cilëve ju është mundësuar ofrimi i barnave me rimbursim.

 

Leave a Reply

Your email address will not be published. Required fields are marked *

Të tjera

Abissnet