17 Dhjetor 1912, kur fuqitë e mëdha u takuan në Londër për Pavarësinë e Shqipërisë (FOTO)

Publikuar më 17. 12. 2017 nga Xhentila Gjoshi

Më 17 dhjetor 1912, fuqitë e mëdha u takuan në Londër për të shqyrtuar pretendimet territoriale të pretenduara nga Lufta e Parë Ballkanike dhe vendimin për Shqipërinë.

Diskutimi i fuqive të mëdha filloi në këtë datë dhe përfundoi me vendimin final për Pavarësinë e Shqipërisë më 17 maj 1913.

Kjo ishte Konferenca e Ambasadorëve, që në fakt qe një Samit Ndërkombëtar i Gjashtë Fuqive të asaj kohe: UK, Gjermania, Austro-Hungaria, Franca, Rusia dhe Italia.

Konferenca do të arbitronte pretendimet territoriale si dhe do të vendoste për të ardhmen e Shqipërisë, e cila e kishte shpallur pavarësinë nga Perandoria Turke.

Shpallja e Pavarësisë ose Deklarata e Pavarësisë nga Perandoria Otomane ishte bërë më 28 nëntor 1912, me ngritjen e flamurit në Vlorë.

Pas kësaj, 83 liderë të asamblesë së Vlorës themeluan Qeverinë e Shqipërisë që u udhëhoq nga Ismail Qemali.