11 ditë pas vdekjes së Luke Perry-t, zbulimi prekës rreth tij dhe të fejuarës

Foto 1 nga 2 Pas Para

Të lidhur prej më shumë se 11 vitesh me partneren Wendy Madison Bauer, i paharreushmi Dylan i “Beverly Hills 90210” do të ishte martuar këtë 17 gusht në Los Angeles. Një fakt që bëhet i ditur nga të ftuarit në dasmë për “TMZ”.

Luke Perry u nda nga jeta në 4 mars në moshën 52 vjeçare për shkak të një iktusi. Ndarja nga jeta e aktorit ishte një shok, por lajmi i fundit i ardhur nga përtej oqeanit e bën situatën akoma më të dhimbshme.  Të gjithë ishin në dijeni se çifti ishte i fejuar zyrtarisht dhe në prag të martesës, por tashmë siti TMZ ka zbuluar se ishte fiksuar edhe data e ceremonisë. Bëhet fjalë për një “save the date” që Perry dhe Bauer u kishin dërguar miqve dhe të afërmve, çka do të pasohej nga ftesë zyrtare.

Kujtimi i fundit i Wendy Madison Bauer

Perry, shumë i rezervuar në aspektin personal, ishte i lidhur prej kohësh me 44-vjeçaren Wendy Madison Bauer, por ishin shfaqur së bashku vetëm në raste të rralla publike, duke shmangur prezantimet zyrtare. “11 vitet e fundit me Luke ishin më të lumturat e jetës sime”, është shprehur Bauer në mesazhin, ku ka falënderuar fansat e aktorit për mbështetjen e dhënë pas tragjedisë. “Jam mirënjohëse që e pata gjatë kësaj kohe në krah. Dua të falënderoj fëmijët e tij, familjen dhe miqtë për dashurinë dhe përkrahjen e tyre. Ne gjetëm mbështetjen tek njëri-tjetri dhe jemi të ndërgjegjshëm se në jetët tona ishte një njeri i jashtëzakonshëm. Do të na mungojë shumë”. Më herët, Perry ka qenë i martuar me Rachel Sharp, e ëma e fëmijëve të tij Jack e Sophie. Qoftë Bauer ashtu edhe Sharp i kanë qëndruar pranë në ditët e fundit të jetës. /Anila Dedaj/

Leave a Reply

Your email address will not be published. Required fields are marked *

Të tjera

Abissnet